Ադըյամանի մէջ Միասնականութեան Սրբավայր-Խաղաղութեան համար՝ Հըզըրէն օժանդակութիւն պիտի սպասենք

ԿԻԼԻԿԻԱ — Հըզըրի պահքին միջոցով՝ Ադըյամանի մէջ Միասնականութեան Համահաւաք կազմակերպուեցաւ։ Ադըյանմանի հաւաքատեղիի՝ “Հաջի Բեկթաշը Տիրակալի Մշակութային Հիմնադրամ”-ի (HBVAKV) Մասնաճիւղին մէջ ելոյթ ունեցող Նուսրեթ Թիւնջը ըսաւ․ “Սպաննուողն ալ մահմետական է՝ սպաննողն ալ։ Այս տարածքին մէջ Խաղաղութեան գերակայութեան ու մարդկանց եղբայրաբար, հաւասարապէս խաղաղութեան մէջ ապրելուն համար՝ Հըզըրի բարեկամեցողութեամբ, անոր օժանդակութեան պիտի սպասենք”։

Ադըյամանի մէջ “Հաջի Բեկթաշը’ Տիրակալի Մշակութային Հիմնադրամ”-ն ու Փիր Սուլթան Աբդալ Մշակութային Ակումբի Ադըյամանի Մասնաճիւղի Հըզըր պահքի միջոցով՝  HBVAKV-ի հաւաքատեղիին մէջ Միասնականութեան Համահաւաք կազմակերպուեցաւ։ Ախուչան օջախի հոգեւորական փիրերէն Քեմալ Գիւզելի ղեկավարած հաւաքոյթին մասնակից դարձան Ժողովուրդներու Դեմոկրատական Կուսակցութեան (HDP) Ադըյամանի ներկայացուցիչ Խորհրդարանական Բեհչեթ Յըլդըրըմը,  HDP/DBP (Դեմոկրատ Նահանգներու Կուսակցութիւն) Ադըյամանի Մարզային կազմակերպութան ներկայացուցիչները, Պետական Աշխատակիցներու Արհմիութեան ներկայացուցիչներն ու բազմաթիւ հայրենակիցներ։

Ախուչանի Օջախի հոգեւորական փիրերէն Քեմալ Գիւզելը հաւաքոյթին Հըզըրի պահքին՝ Ալեւիութեան ուղղութեան հիմնասիւներն ու նշանակութիւնը շեշտադրելով, ըսաւ․ ՛՛Մեր Ալեւիականութեամբ, մշակոյթով եւ հաւատքով կ՛ուզենք մեր կեանքը շարունակել, Ալեւիութեան ուղիի եւ հիմնասիւնի պահանջներն ալ վերահաստատելու պարտաւոր ենք”։  

 

՛՛ՊԱՏԵՐԱԶՄՆԵՐՈՒՆ ՎԵՐՋ ՏԱԼՈՒ ՀԱՄԱՐ՝ ՄԻԱՍՆԱԲԱՐ ՊԻՏԻ ԱՂՕԹԵՆՔ՛՛

HBVAKV-ի Ադըյամանի Մասնաճիւղի Նախագահ Նուսրետ Թունչը հետեւեալը կը յայտնէ․ “Մեր երկիրը այսօր շատ սուր կերպով բեւեռացած է։ Երբ լրատւութիւնը կը հաղորդէ մարդկանց սպաննութեան մասին՝ հեռուստացոյց դիտող մեր համերկրացիները ուրախութեան բացականչութիւններով կը դիմաւորեն”։

Թունչը կը շարունակէ․ “Սակայն խելքի եւ տրամաբանութեան կրօն եղող Մահմետականութիւնը կ՛ըսէ թէ Աստուծոյ տուած հոգին միայն Աստուած կ՛առնէ։ Բայց ինչ ափսոս որ, բոլորէն շատ աւելի Մահմետական ըլլալնին պնդողները կը ղեկավարեն այս երկիրը։ Ամէն օր մարդկանց սպաննութիւնը կը լսենք հեռուստատեսութեամբ։ Մեռնողն ալ Մահմետական է՝ սպաննողն ալ։ Ատոր համար այս գիշեր բոլորս միասնաբար պիտի աղօթենք։ Բարին կամեցող Հըզըրէն օժանդակութիւն պիտի սպասենք՝ այս տարածքին մէջ Խաղաղութեան գերակայութեանն ու մարդկանց եղբայրաբար, հաւասարապէս խաղաղութեան մէջ ապրելուն համար”։

Ելոյթներէն յետոյ, Փիր Քեմալ Գիւզելի ընթերցած աղօթքներով արարողութիւնը սկսեցաւ։ Զաքիր Իմամ Հազարի եւ Սերդար Բեկտաշի ոգիով հնչած թեւաւոր խօսերու ընթերցումով՝ մարդիկ ճշմարիտին համար կանգնեցան սեմահի։

Միասնականութեան արարողութիւնը՝ արարողութեան միացող մարդկանց Հըզըրին նուիրաբերած պատառներուն բաշխումով աւարտուեցաւ։

Մուսթաֆա ՅԻՒՔՍԵԼ / ԱԴԸՅԱՄԱՆ

Input your search keywords and press Enter.