Մովսէս ՆԱՃԱՐԵԱՆ: Արեւմտեան Հայաստանի Հանրապետութեան Ազգային ժողովի 2018 թ․-ի ընտրութիւններու հերթական թեկնածուն

ԿԸ ՑԱՆԿԱՆԱՄ ԹԵԿՆԱԾՈՒ ԴԱՌՆԱԼ ԱՐԵՒՄՏԵԱՆ ՀԱՅԱՍՏԱՆԻ ԱԶԳԱՅԻՆ ԺՈՂՈՎԻ 2018-Ի ՕՐԻՆԱԿԱՆ ԸՆՏՐՈՒԹԻՒՆՆԵՐՈՒՆ

ՈՒՍՏԻ ԿԸ ԽՆԴՐԵՄ ՁԵԶՄԷ ԵՐԱՇԽԱՒՈՐԵԼ ԻՄ ԹԵԿՆԱԾՈՒԹԻՒՆԸ՝  

ՀԵՏԵՒԵԱԼ ՁԵՒՈՎ

Սեղմել վարը տեղադրուած՝ տարբեր լեզուներով էլ. կապերէն մէկը, որտեղ կը գտնեք ձեր կողմէն ինձ երաշխաւորելու հայցաթերթիկը:

  1. Այնտեղ առաջին տողին վրայ նշեք իմ անուն ազգանունը,
  2. Հետոյ լրացուցեք ձեր անձնական տուեալները, որպէսզի դուք նաեւ դառնաք Արեւմտեան Հայաստանի Հանրապետութեան քաղաքացի՝ այն ինչ ձեզ իրաւունքն պիտի տայ ինձ թէ երաշխաւորել եւ թէ մասնակցիլ խորհրդարանային քուէարկութիւններուն, իմանալով որ դուք կրնաք երաշխաւորել միայն մէկ թեկնածուի:

http://www.western-armenia.eu/WAP/Candidat/Enregistrement-fr-arm.php

http://www.western-armenia.eu/WAP/Candidat/Registration-en-ru.php

http://www.western-armenia.eu/WAP/Candidat/Kayit-arab-turc.php

http://www.western-armenia.eu/WAP/Candidat/Engrafi-grec-de.php

ԿԵՆՍԱԳՐՈՒԹԻՒՆ’ Ծնած եմ Սուրիոյ Հալէպ քաղաքին մէջ 1950 թ․ Յունուար 24-ին։ Մեծցած եմ Բէյրութ, նախ Թէքէեան Վարժարանի մէջ, ապա Յովակիմեան-Մանուկեան Երկրորդական Վարժարանին մէջ ստացած եմ հայեցի կրթութիւնս։ Երկու տարի ուսանած եմ Երուանդ Հիւսիսեանի անուան Հայագիտական Ամբինոնին մէջ, Վահէ Վահեանի ղեկավարութեան տակ։ Զինուորական ծառայութիւնս անցուցած եմ Սուրիական բանակէն ներս, ապա աշխատած եմ որպէս հաշուապահ, նաեւ շինարար, իսկ Լիբանանի քաղաքացիական պատերազմի եօթերորդ տարուն տեղափոխուած եմ Խորհրդային Հայաստան։

Անկախութեան օրերէն ի վեր կը զբաղիմ Հայագիտութեամբ եւ լեզուաբանութեամբ։ Ելոյթներ ունեցած եմ Հայաստանի Ազգային Ակադեմիայի Պատմութեան ինստիտուտի ամբիոնէն, հարցազրոյցներ տուած եմ հայկական զանազան հեռուստաընկերութիւններու։

Հրատարակած եմ Սուրբ Մեսրոպ Մաշտոցի Յաճախապատում Ճառք երկը իմ թարգմանութեամբ գրաբարէն, նաեւ հեղինակային ՛՛Լեզուաբանութի՞ւն թէ Իմասատասիրութիւն՛՛  երկը։

Արեւմտեան Հայաստանի Հանրապետութեան քաղաքացի եմ, նաեւ պատիւն ունեցած եմ ըլլալու ԱՀՀ-ն նախ Գիտութեան եւ Կրթութեան փոխ-նախարար, ապա եւ նախարար։ Ամուսնացած եմ, ունիմ մէկ որդի եւ մէկ թոռնուհի։

Արեւմտեան Հայաստանի Հանրապետութեան 2018-ի Պագամավորներու Ընտրութիւններու հինգերորդ Թեկնածու

Movses_Najarian-Timoum2018

Input your search keywords and press Enter.