Աֆրինի ժողովուրդը կը պնդէ․ Այս տարածքը քրդական է, Այս հողերն ու երկիրը մերն է

ԿԻԼԻԿԻԱ — Թիւրքիոյ բռնագրաւման միտող հարուածներուն ի պատասխան՝ Սինջարի լեռներու եզիդիներն ու արաբները, Հիւսիս Սուրիական Ֆեդերասիոնին մէջ գտնուող տարբեր հաւատքի տէր մարդիկ եւ խումբեր՝ տասնեակ հազարներով հեղեղ դարձած Աֆրին հոսեցան։ Տարբեր ժողովուրդներէն հազարաւոր մարդիկ ձեռքերնին ձիթենիի ճիւղեր բռնած Աֆրին հասնելով՝ դիմադրութեան մաս կազմեցին։

Իր 19-րդ օրը թեւակոխեց Աֆրինի ժողովուրդի պայքարն ու դիմադրութիւնը՝ ընդդէմ թրքական զինեալ ուժերուն եւ անոնց ենթակայ Ազատ Սուրիոյ բանակին նախատեսած Աֆրինը բռնագրաւելու ձգտող յարձակումներուն։ Հիւսիս Սուրիական ֆեդերասիոնի քաղաքներէն, ֆեդերատիֆ Քիւրդիստանի տարածքէն եւ Շենգալէն՝ տասնեակ հազարաւոր մարդիկ երեկ հասան Աֆրին։ Շենգալէն, Սուլեյմանիէյէն, Դիրբեսիյէյէն, Էբուռասինէն, Թիլտեմիրէն, Ամուդէն, Քամիշլիյէն, Դերիքէն, Ռեմալանէն, Սերէքանիյէյէն տասնեակ հազարներու հասնող այլեւեայլ հաւատքի եւ էթնիկ ծագման մարդիկ՝ անցած Կիրակի օրը, իրենց կազմած ազատութեան շարասիւնով ուղեւորուեցան դէպի Աֆրին։

Այս պատմական ուղեւորութեան հետեւող Մեզոպոտամիա Գործակալութիւնը՝ նկարագրեց Շէնգալէն Աֆրին տանող ճամբուն վրայ անոնց անցուցած եղելութիւնները։

Մօտ 500 մեքենայէ բաղկացած շարասիւնին եւ տասնեակ հազարներէ կազմուած մարդկային հեղեղին, անոնց միախառնուող կողմնակի մեքենաներու համարեայ թէ բոլորին վրայ զետեղուեցան ձիթենիի ճիւղեր, քանի որ Թիւրքիան Աֆրինի դէմ իր սանձազերծած ռազմական գործողութիւնը կոչած է ՛՛Ձիթենիի ճիւղ՛՛, մինչ Աֆրինը կը նկատուի ձիթենիի տուն։

Շարասիւնին մաս կազմող մեքենաներուն վրայ կախուեցան արաբերէն եւ քրդերէն լեզուներով գրուած մեղադրական պաստառներ՝ Էրդողանի եւ Թիւրքիոյ հասցէին ուղղուած։ Նաեւ Էրդողանն ու Դաիշի մէկ անդամը միատեղ գծագրող պաստառներ, այլեւ օդային ռմբակոծումներէն սպաննուած քաղաքացիներու լուսանկարներ, կեանքը կորսնցուցած ՛՛Ժողովրդապաշտպան Միաւորումներ՛՛ շարժման մէկ անդամի՝ Աւեստա Խաբուրի եւ ՛՛Ազատ Սուրիական Բանակ՛՛-ին կողմէ ՛՛Ժողովրդապաշտպան Միաւորոումներ՛՛ շարժման անդամ Արին Քօբանէի թաղման արարողութեան պղծման լուսանկարները։

Ասոնց հետ մէկտեղ՝ նաեւ աչքի կը զարնեն ԲԿԿ-ի առաջնորդ Աբդիւլլահ Էօջալանի շրջանակուած մեծղի լուսանկարները։

Եզիդիները՝ ազատութեան համար ճամբաներու վրայ

Դէպի Աֆրին ուղղուած քայլարշաւին աջակցելու համար՝ անոր միացան Շենգալի Դեմոկրատական Ինքնավար Խորհրդարանին եւ անոր հաստատութիւններուն ենթակայ անձերէն մօտ 100 եզիդի։ Եզիդիներու միացումը այս արշաւին՝ պատմական վաւերութիւն մըն է, քանի որ անկէ առաջ բռնութեան եւ ջարդերու ենթարկուելով իրենք իրենց պատեանին մէջ փակուած եզիդիները՝ առաջին անգամ է որ կազմակերպուած ձեւով մասնակցեցան այսպիսի երթի։

Խանաձորէն սկսեալ, մեծ ուրախութեամբ եւ ոգեւորութեամբ դէպի Աֆրին իրենց ճամբորդութիւնը աւարտած եզիդիներէն 55 տարեկան Շէրօ Գուլլին, որ ՛՛Սինիւնէ Հալք Խորհրդարան՛՛-ի անդամ է, Աֆրինի եզիդիներուն, քիւրդերուն եւ այլ ժողովուրդներուն համար ՛՛շնչառութիւն մըն է՛՛ իրենց ըրածը ըսելով կը խօսի, եւ կ՛աւելցնէ․ ՛՛Անոնք ալ ազատութիւն կ՛ուզեն, մենք ալ՛՛։

՛՛Էրդողանը ընդհանրապէ Տաիշէն տարբերութիւն չունի

 «Էրդողանը տաիշէն ընդհանրապէս չի տարբերուիր»

Ամուդըթլըլնլլար Միաբանութեան եւ Ռոժավայի համալսարանի թատրոնի բաժինի վարիչ Պեշիր Նաֆը՝ երկար ճամբորդութեան մեկնարկային կամաւորներէն մէկն էր, որ հասնելով Թիլ Թեմիր, առաջին հիմնական կանգառը, ըսած է․ «Աֆրինը շատ պատմական տեղ է եւ Սուրիոյ հիմնական մշակութային կենտրոնը»։ Նաֆի կարծիքով՝ այսպիսի վայրի պաշտպանութիւնը բոլոր մարդկանց պարտականությունը պէտք է ըլլայ: Քայլարշաւի մասնակիցներէն էր Քեզվանի լեռի գիւղի համանախագահ Էլի Մամո Էլիսան, ըստ որուն՝ «Էրդողանը Տաիշէն ընդհանրապէս չի տարբերուիր։ Էրդողանը Տաիշի նման  նոյնպէս կը ռմբակոծէ քաղաքացիական անձերը, եւ այսօր իր ցանկութիւնն է Աֆրին ներխուժել: Մենք կը մերժենք այս եղածը՝ որպէս արաբական ներկայացուցիչներ»- ըսած է ան:

Աֆրինն ու Քոբանը միասին են

Թիլ Թեմիրէն ետք՝ երկրորդ կանգառը եղաւ Քոբանը։ Դէպի Աֆրին արշաւողները յիշեցուցին Քոբանցիներուն՝ թէ Տաիշը կը հարձակի քաղաքին վրայ: Այս պատճարով Քոբանցիները յաճախ կարձագանգէին թէ “Աֆրինն ու Քոբանը մէկ են, Տաիշը եւ Էրդողանը մէկ են“ կարգախոսերով ցոյց տուին: Հանդիպումէն ետք, որը վերածուեցաւ հանրահավաքի: Աֆրինի արշավականները իրենց տուները հիւրընկալեցին Գոպանի մարդկանց, հաջորդ օրը անոնք բոլորը միասին ճանապարուեցան դէպի Մինբիչ:

Input your search keywords and press Enter.