Գամիշլիի Պայթումներուն Զոհերը Հողին Յանձնուեցան

Գամիշլիի մէջ   երէկ գրանցուած   պայթումներուն հետեւանքով  զոհուածները այսօր հողին յանձնուեցան: Այս մասին տեղեկութիւն  ստացանք Գամիշլիի մեր աղբիւրէն: Մեր աղբիւրը  նաեւ նշեց, որ  զոհերուն  մէջ   կան   4    հայեր (նախօրօք յայտնած էինք  հայ  զոհերու մասին),  որոնց    3-ը   հայ կաթողիկէ եւ մէկը  հայ առաքելական  համայնքի զաւակներ  են: Զոհերը կը կոչուին ՝  Էլի Քասպո, Ապուտ Հաճիքի , Րամի Թարզի (հայ կաթողիկէ) եւ  Անթուն Եուսէֆ (հայ առաքելական): Նշենք, որ Տահէշի կողմէ կատարուած  այս  ահաբեկչական պայթումներուն հետեւանքով զոհերուն  թիւը հասած էր  16 -ի:   Կան   35  վիրաւորեալներ, որոնց   մէջ  կան ծանր պարագաներ:   Պայթումին    զոհ գացածներուն   հաւաքական  թաղումը կատարուած է   ժամեր առաջ Գամիշլիի   Ուղղափառ Ասորիներու   «Սուրբ Կոյս Մարիամ»  եկեղեցւոյ  մէջ:

Input your search keywords and press Enter.