Պապի Համարձակ Յայտարարութիւնը Կը Համապատասխանէ Անոր Փիլիսոփայութեան. BBC

Անցեալ տարի Թուրքիա այցելած Հռոմի Պապը, թերեւս, հրաշալի կը հասկնար, որ «ցեղասպանութիւն» բառը օգտագործելով` պիտի վիրաւորէ չափաւոր մահմետական այդ երկիրը: Այսպիսի կարծիք, ըստ Artsakhpress.am-ի, յայտնած է Հռոմի մէջ BBC-ի թղթակից Տէյվիտ Ուիլլի` մեկնաբանելով Ապրիլ 12-ի պատարագի ընթացքին Հռոմի Ֆրանչիսքոս Պապի յայտարարութիւնը, որուն ընթացքին ան ճանչցաւ Հայոց Ցեղասպանութիւնը:

«Սակայն Պապի հզօր արտայայտութիւնը, որ «չարիքը թաքցնելը կամ ժխտելը նման է այն բանին, որ արտօնես վէրքը արիւնահոսի եւ չկապես զայն», միւս բոլոր` համեմատաբար նոր զանգուածային սպանութիւններու աւելի ընդարձակ դատապարտում էր:

Հիմա կը մնայ տեսնել, թէ անոր յայտարարութիւնը ինչպէս պիտի ազդէ չափաւոր մահմետական պետութիւններուն հետ Վատիկանի յետագայ յարաբերութիւններուն վրայ: Ատիկա համարձակ որոշում էր, սակայն լիովին կը համապատասխանէր բարոյական փաստարկներու թեմայի շուրջ բացայայտ երկխօսութեան շուրջ Ֆրանչիսկոսի փիլիսոփայութեան:

Կեդրոնանալով քրիստոնէութիւնը իբրեւ պետական կրօն առաջինը ընդունած պետութեան՝ Հայաստանի ուղղութեամբ, Ֆրանչիսկոս Պապը մէկ անգամ եւս յիշեցուց Արեւելեան Եւրոպայի եւ Մերձաւոր Արեւելքի մէջ Կաթոլիկ եկեղեցւոյ խոր արմատներուն մասին»,- նշած է Տէյվիտ Ուիլլի:

Հղում

Input your search keywords and press Enter.