Ապրիլ 24-ի հետ կապուած գաղտնի հրահանգ տրուած է թրքական սահմանակէտերուն

Թուրքիոյ մաքսային եւ առեւտուրի նախարարութիւնը բոլոր անցակէտերուն գաղտնի հրահանգ ուղարկած է`  Հայոց ցեղասպանութեան  100-րդ տարելիցին հետ կապուած Ապրիլ 22-էն 26 սահմաններուն ուժեղացնել հսկողութիւնը:

Ըստ News.am-ի՝ թրքական Sol.haber կայքը կը փոխանցէ` Թուրքիոյ մաքսային գլխաւոր վարչութեան տնօրէն Մեհմետ Հաթիփօղլուի ստորագրութեամբ Թուրքիոյ բոլոր անցակէտեր ուղարկուած են գաղտնի հրահանգներ Armenian project 2015 անուան տակ:

Գաղտնի փաստաթուղթին մէջ նշուած է, որ ըստ ստացուած տեղեկութիւններուն, Ապրիլ 22-էն 26 Սթամպուլի մէջ տարբեր հասարակական կազմակերպութիւններ 1915-ի կոտորածներու հետ կապուած հայկական տեսանկիւնը պաշտպանող շարք մը ձեռնարկներ պիտի իրականացնեն: Փաստաթուղթին մէջ անցակէտերու պատասխանատուներուն կը հրահանգուի յիշեալ ժամանակահատուածին կանխարգելիչ միջոցներ իրականացնել սահմանակէտերուն հնարաւոր բռնութիւններու կանխման համար:

 

gumruk

Input your search keywords and press Enter.