Արմենակ Աբրահամեան. «Մենք պէտք չէ թոյլ տանք, որ ուրիշներն օգտագործեն մեր իրաւունքները մեր դէմ»

ԱՐԵՒՄՏԵԱՆ ՀԱՅԱՍՏԱՆ — Արեւմտեան Հայաստանի Հերուստատեսութիւնը կը տեղեկացնէ, որ Մարտի 19-էն 23 Ժնեւի մէջ տեղի ունենցած է ՄԱԿ-ի Մտաւոր սեփականութեան, ծագումնաբանական (գենետիկ) պահուստներու, աւանդական գիտելիներու եւ բանահիւսութեան միջկառավարական յանձնաժողովի 35-րդ նիստը:
Նիստի աշխատանքներուն աշխուժօրէն կը մասնակցի Միացեալ Ազգերու Կազմակերպութեան մէջ գրանցուած Արեւմտեան Հայաստանի Հայերու Համագումարի եւ Ազգային Խորհուրդի պատուիրակութիւնը` Խորհուրդի նախագահ Արմենակ Աբրահամեանի գլխաւորութեամբ:
Ազգային Խորհուրդի նախագահ Արմենակ Աբրահամեանը շարք մը ելոյթներ ունեցած է, որպէս բնիկ ժողովուրդ ներկայացնելով Արևմտեան Հայաստանի հայերու դիրքորոշումները: Ներկայացուած են առաջարկութիւններ՝ շարք մը յօդուածներու առնչութեամբ:
Ժնեւէն Արմենակ Աբրահամեանը տեղեկացուց, որ նիստին մասնակից պետութիւններու ներկայացուցիչները պնդած են, թէ բնիկ ժողովուրդները միայն տուեալ պետութեան թոյլտւութեամբ կրնան իրացնել իրենց իրաւունքները: Հակադարձ ելոյթով հանդէս գալով՝ Ա. Աբրահամեանը յայտարարած է. ‹‹Արեւմտեան Հայաստանի Հայերը՝ որոնք այդ տարածքներու բնիկ ժողովուրդն են, ունեցած են իրենց պետականութիւնը: Արեւմտեան Հայաստանի հայերս՝ որպէս բնիկ ժողովուրդ, գոյութիւն ունինք, հետեւապէս միայն մենք ենք իրաւասու օգտուելու բնիկ ժողովուրդներուն վերապահուած իրաւունքներէն: Մենք պէտք չէ թոյլ տանք, որ իւրացուին դարերով ստեղծած մեր մշակոյթը, պատմութիւնը, մեր արժէքները››:

Արեւմտեան Հայաստանի Հայերու Ազգային Խորհուրդի նախագահը հանդէս եկած է յայտարարութեամբ՝ առաջարկելով ընդունիլ յատուկ հռչակագիր (կոնվենցիա), որով յետայսու պաշտպանուած ըլլան բնիկ ժողովուրդներու մշակոյթը, ծագումնաբանական (գենետիկ) պահուստները, բանահիւսութիւնը: ‹‹Հռչակագիրի ընդունումը խիստ կարեւոր է, քանզի վերջինիս կատարումը պարտադիր է ՄԱԿ-ի անդամ պետութիւններուն համար:
Անոն պարտաւոր են յարգելու այդ հռչակագիրները, հակառակ պարագային բնիկ ժողովուրդներն իրաւունք ունին դիմելու միջազգային դատարան` սեփական իրաւունքները պաշտպանելու համար»:

Western Armenia News

Input your search keywords and press Enter.