Նախագահական հրամանագիր

Նախագահական Հրամանագիր
Թիւ 45 — 2017-12-02

Օրէնսդրական 2018թ․-ի Ընտրութիւններուն վերաբերեալ

Հանրապետութեան Նախագահը

Հաշուի առնելով Արեւմտեան Հայաստանի Հանրապետութեան Սահմանադրութեան 92-րդ յօդուածը՝ եւ ընտրական օրէնսգիրքը,

Ազգային Ժողովի (Խորհրդարան) հերթական ընտրութիւններ

Յօդուած 92.
Ազգային Ժողովի հերթական ընտրութիւնը տեղի կ՛ունենայ անոր լիազօրութիւններու աւարտին նախորդող ոչ շուտ քան վաթսուն, եւ ոչ ուշ քան երեսուն օր առաջ:
Ազգային Ժողովի արտահերթ ընտրութիւնը տեղի կ՛ունենայ Ազգային Ժողովը արձակելէ ետք՝ ոչ շուտ քան վաթսուն, եւ ոչ ուշ քան երեսուն օրուայ ընթացքին:
Ազգային Ժողովի ընտրութիւնը կը նշանակուի Հանրապետութեան Նախագահի հրամանագիրով:

Կը հրամանագրէ հետեւեալը,

Յօդուած 1. — Հաշուի առնելով ողջ ընտրական օրացոյցը՝ թեկնածուներու նախնական ցանկը ուժի մէջ կը մտնէ 2018 թուականի Փետրուար 1-ին:

Յօդուած 2. — Հաշուի առնելով ողջ ընտրական օրացոյցը՝ թեկնածուներու ցանկը կը փակուի 2018 թուականի Հոկտեմբեր 22-ին:

Յօդուած 3. — Հաշուի առնելով ողջ ընտրական օրացոյցը՝ օրէնսդրական ընտրութիւնները տեղի կ՛ունենան 2018 թ. Նոյեմբեր 22-էն մինչեւ Նոյեմբեր 30:

Յօդուած 4. — Հաշուի առնելով ողջ ընտրական օրացոյցը՝ օրէնսդրական ընտրութիւններուն արդիւնքները կը ներկայացուին Արեւմտեան Հայաստանի Հանրապետութեան Ազգային Ժողովի (Խորհրդարանի) Կեդրոնական Ընտրական Յանձնաժողովի կողմէին 2018 թ․-ի Դեկտեմբեր 8-ին եւ կը հրապարակուին Ներքին Գործերու Նախարարունթեան կողմէ՝ Նախագահի հրամանով:

Հանրապետութեան Նախագահը

Հաշուի առնելով Արեւմտեան Հայաստանի Հանրապետութեան Սահմանադրութեան 93-րդ յօդուածն ու ընտրական օրէնսգիրքը՝

Յօդուած 93.
Նորընտիր Ազգային Ժողովի առաջին նստաշրջանը կը գումարուի պատգամաւորներու ընտրութենէն եւ Կեդրոնական Ընտրական Յանձնաժողովի ընտրութիւններու արդիւնքները հրապարակելէն ոչ ուշ քան տասնհինգ օր յետոյ:
Արտահերթ ընտրութեան պարագաներուն նորընտիր Ազգային Ժողովի առաջին նստաշրջանը կը գումարուի պատգամաւորներու ընտրութենէն եւ Կեդրոնական ընտրական յանձնաժողովի ընտրութիւններուն արդիւնքները հրապարակելէ ոչ ուշ քան երեսուն օր յետոյ:
Կեդրոնական ընտրական յանձնաժողովը պարտաւոր է ընտրութիւններու արդիւնքները հրապարակել ոչ ուշ քան տասը օր յետոյ:

Կը հրամանագրէ հետեւեալը,

Յօդուած 1. — Հաշուի առնելով ողջ ընտրական օրացոյցը եւ օրէնսդրական ընտրութիւններու հրապարակուած արդիւնքները՝ նորընտիր Ազգային Ժողովի երկրորդ գումարման առաջին նստաշրջանը տեղի կ՛ունենայ 2019 թուականի Յունուար 18-ին մինչեւ 20-ը:

Յօդուած 2. — Նորընտիր Ազգային Ժողովի առաջին նստաշրջանի վայրը կ՛որոշուի Կեդրոնական Ընտրական Յանձնաժողովին կողմէ, նստաշրջանէն ոչ ուշ քան երեք ամիս առաջ:

Հանրապետութեան Նախագահը

Հաշուի առնելով Արեւմտեան Հայաստանի Հանրապետութեան Սահմանադրութեամբ Հանրապետութեան Նախագահի ընտրութեան վերաբերեալ 70-րդ յօդուածը, 71-րդ յօդուածը եւ 72-րդ յօդուածը.

Կը հրամանագրէ հետեւեալը,

Յօդուած 1. — Նորընտիր Ազգային Ժողովի երկրորդ գումարման առաջին նստաշրջանի ժամանակ՝ Ազգային ժողովին կողմէ կ՛ընտրուի Արեւմտեան Հայաստանի Հանրապետութեան նոր Նախագահը, հինգ տարուայ ժամկէտով:

Կարին, 02 Դեկտեմբեր 2017թ.

Արմենակ Աբրահամեան
Արեւմտեան Հայաստանի Հանրապետութեան Նախագահ

stat.gov.wa@haybachdban.org

Input your search keywords and press Enter.