Ղութան ազատագրուած է, ի՞նչ պիտի ըլլայ Մանբեջը

“Կառավարական անօդաչու սարք մը նկարահանած է Ղութայի շրջանի պատկերները, ցոյց տալով այն թաղամասերը՝ որոնք այս շաբաթ հռչակուած են ըլլալու առանց զինեալներու։
Անօդաչու սարքը նկարահանած է այն թաղամասերը՝ որոնք կը գտնուին «Այն Թարմա, Արբիին եւ Զամալկայ”-ի արուարձաններուն մէջ”, ալ աւելցնելու բան չկայ, կ՛ըսուի։
Նորութիւններու ֆրանսական շաբաթաթերթ մը կը յայտարարէ Էմանուէլ Մակրոնի որոշումը՝ Սուրիոյ Մանիբջ քաղաք «զօրքեր ուղարկելու» մասին:
Միջազգային դաշնակիցները տպաւորութիւնն ստեղծելէ ետք թէ հրաժարուած են «Հակա-դաեշ»-եան խմբաւորումէն, Ֆրանսայի նախագահ Էմանուէլ Մակրոնը էլիզէի մէջ Նոյեմբերի 29-ին ընդունած է Սուրիական ժողովրդավարական ուժերու անդամներու պատուիրակութիւնը։ Այժմ կը թուի թէ որոշում կը կայացուի դիմակայելու համար ընդլայնումը “Ձիթենիի Ճիւղ” գործողութեան, որ Թիւրքիոյ կողմէ սանձազերծուած է անցած Յունուար 20-էն, կը տեղեկացնէ Մարիաննը, իր 29 Մարտի համարին մէջ։
“Ըստ պաշտօնական տեղեկութիւններու՝ ամենաազդեցիկ այս որոշումով ֆրանսացի զինվորները պիտի մեկնին Աֆրինէն 100 կմ արեւելք գտնուող Մանբիջ, ուր պիտի համակարգուին Ամերիկեան զօրքերուն հետ, որպէսզի կասեցնեն թրքական զօրքերու յառաջխաղացումը դէպի այդ քաղաք”, կ՛աւելցնէ ան։
Սակայն Էլիզէի պաշտօնական հաղորդագրութիւնը բացարձակապէս չի յիշատակեր զինուորներ ուղարկելու մասին։
Յարգանքի տուրք մատուցելով Սուրիոյ Դեմոկրատական Ուժերու գործողութիւններու զոհերուն՝ նախագահութիւնը կ՛ըսէ, թէ կը ցանկայ ամրապնդել “կայունութիւնը Սուրիոյ հիւսի-արեւելեան գոօտիին”։
Մակրոնը կը սպառնայ Ասադին
Շարունակելով մեղադրանքի բեմադրութիւնը Սուրիական կառավարութեան դէմ, որ իբրեւ թէ օգտագործած է քիմիակակն զէնք, Ֆրանսայի նախագահը կրկին անգամ մեղադրած է Դամասկոսին՝ Դեմոկրատական ուժերու դէմ ռազմականօրէն յարձակուելու մէջ։
Reuters-ի հարցին Սուրիոյ մէջ ֆրանսական զօրքերու երթուղիներուն մասին, Էլիզէն պարզապէս յայտարարեց իր մամլոյ հաղորդագրութեամբ՝ թէ Ֆրանսան պատրաստուած է միջնորդելու Քիւրդերու եւ Թիւրքերու միջեւ։
Այս մասին Մարիաննը կը շարունակէ․ “Երեկոյեան կայացած մամուլի ասուլիսին՝ պատուիրակութեան ներկայացուցիչները գաղտնաբար քննարկած են տարածքին վրայ համագործակցութիւնը ընդլայնելու հարցը Սուրիական Դեմոկրատական Ուժերու եւ Ֆրանսական զինուորականներուն միջեւ։ Խալեդ Իսան՝ Ռոժաւայի ներկայացուցիչը Փարիզի մէջ, շատ աւելի կտրական էր․ “Այո, Ֆրանսան մեզի պիտի օգնէ զինուժով Մանբիջի մէջ, եւ դիւանագիտօրէն ալ պիտի օգնէ, որպէսզի վերջիվերջոյ թրքական զօրքերը դուրս գան Աֆրինէն․․․ Նպատակն է կարճ կամ միջին ժամկետի մէջ չէզոք տարածքի մը սահմանումը՝ միջազգային վերահսկողութեան տակ ”։
Սուրիական Մանբիջ քաղաքը կրնայ դառնալ յաջորդ նպատակակէտը “Ձիթենիի Ճիւղ” գործողութեան, եւ Անկարան արդէն յայտարարած է, որ իր հսկողութեան տակ պիտի վերցնէ։ Քրդերն ալ իրենց հերթին՝ կ՛ըսեն թէ Ամերիկեան օգնութեան մը հաշիւը կ՛ընեն թիւրք զինուորներուն հակադրուելու համար:

Input your search keywords and press Enter.