Ռոհանի — Սուրիոյ ապագան պիտի որոշուի միայն ու միայն Սուրիացիներու ժողովրդավարական ընտրութեամբ

ԿԱՐԻՆ — Եռակողմ գագաթնաժողովը Սուրիոյ շուրջ՝ կրկին իրարու մօտ բերած է Իրանի, Ռուսիոյ եւ Թիւրքիոյ նախագահները՝ Թիւրքոյ մայրաքաղաք Անկարայի մէջ, այս Չորեքշաբթի։

Վրադիմիր Պուտինի եւ Ռեջեպ Թայյիպ Էրդողանի, ռուս եւ թիւրք իր գործակիցներու ներկայութեան՝ Իրանի Իսլամական Հանրապետութեան նախագահ Հասսան Ռոհանին իր ելոյթով յայտարարած է, որ Թեհրանը մեծ կարեւորութիւն կուտայ Աստանայի քաղաքական գործընթացին, եւ կը գնահատէ, որ Իրանը Ռուսաստանն ու Թիւրքիան որպէս հրադադարը երաշխաւորողներ՝ կարեւոր դեր խաղցած են Սուրիոյ ճգնաժամի լուծման խնդիրին մէջ:
Իր ելոյթին մէջ նախագահ Հասսան Ռոհանին նշած է, որ հակառակ ռազմական պարտութեան Դաէշի, Ալ-Նոսրա ճակատի (որ վերակնքուած է Դամասկոսի Ազատագրման Ճակատ) եւ այլ ահաբեկչական կազմակերպութիւններու՝ որոշ տերութիւններ ցաւօք շարունակած են ֆինանսաւորել եւ զինել այս խմբաւորումներու մնացորդները, որպէսզի կարողանան զանոնք շահագործել։
Իրանի նախագահը ընդգծած է․ “Սա թոյլ կուտայ այդ ահաբեկչական կազմակերպութիւններուն՝ շարունակելու իրենց վայրագ գործողութիւնները ընդդէմ Սուրիոյ քաղաքացիներու, որոնք կը բնակին Դամասկոսի մէջ”։
Նախագահ Ռոհանին աւելցուցած է, որ Ապահովութեան Խորհորդի 2041 բանաձեւի բոլոր դրոյթներուն հաւասարակշռուած եւ ամբողջական կիրառումը անհնարին դարձած է օտարերկրեայ պետութիւններու միջամտութիւններուն հետեւանքով, որոնք չեն դադրին սպառնալէ Սուրիոյ օրինական կառավարութեան, որ չի խնայեր իր բոլոր միջոցները օգտագործելու՝ պայքարելու համար ահաբեկչական կազմակերպութիւններուն դէմ, որոնք երկար ժամանակ կը վայելէին արեւմտեան եւ տարածաշրջանային ուժերու աջակցութիւնը:
Պարոն Ռոհանին ապա քննադատած է արեւմտեան կառավարութիւններու հակա-կառուցողական կեցուածքը, յատկապէս ԱՄՆ-ի, շեշտելով․ “Ցաւալիօրէն, իրենց կառավարութիւններու աչքերուն մէջ՝ Սուրիացի քաղաքացիներու կեանքը, ապրելու արժանապատւութիւնը ոչ մէկ արժէք ունի։ Անոնք կը ծառայեն որպէս փոխանակման արժոյթ՝ ապահովելու համար իրենց անձնական շահերը, ամէն անգամ որ սպառնալիքի զգացողութիւն մը կ՛ունենան”։
“Ո՞վ հրաւիրած է Ամերիկեան զօրքերը Սուրիա։ Անոնց ներկայութիւնը անօրինական է, եւ անոնց ռազմական ներկայութիւնը արդիւնք մը չունի՝ բացի բարձրացնելէ լարուածութիւնը, հասնելու համար այս երկրի անդամահատման։ Սուրիացիները յաղթական դուրս եկած են ահաբեկչութեան դէմ այս ծանր պայքարէն, եւ թոյլ պիտի չտան որ օտար ուժերը անդամահատեն իրենց հայրենիքը։
Իրանի նախագահը աւելցուցած է նաեւ, որ Իսրայէլական վարչակարգի աջակցութիւնը կը տրամադրուի ահաբեկչական կազմակերպութիւններուն եւ Սուրիական ինքնիշխանութեան խախտումը անօրինական ռազմական միջամտութիւններու միջոցով՝ աւելի դժուար կը դարձնէ Սուրիոյ ճգնաժամի լուծումը գտնելը։ Ան հարց դրած է միջազգային հանրութեան առջեւ, որ անտարբեր չգտնուին Թել-Աւիւի կործանիչ դերին հանդէպ։
Նախագահ Հասսան Ռոհանին առաջարկած է աւելի շատ համադրելու Թեհրանի համատեղ գործողութիւնները Մոսկուայի եւ Անկարայի հետ։
Երեք նախագահները համաձայնած են, ըսելու համար որ Աստանայի գործընթացը պէտք է ըլլայ միակ արդիւնավետ միջազգային մեքանիզմը՝ դիւրացնելու համար Սուրիացիներու խաղաղութեան համար մղած ճիգերը։

presstv.com

Input your search keywords and press Enter.