Փեդդի Փօուըր Գրավընկալ Ընկերութիւնը տիտղոսակիր հովանաւորը դարձաւ չճանչցուած պետութիւններու Ֆուտբոլի Համաշխարհային Մրցոյթներուն

ԱՐԵՒՄՏԵԱՆ ՀԱՅԱՍՏԱՆ — Փեդդի Փօուըր Գրաւընկալ Ընկերութիւնը պիտի հովանաւորէ մրցախաղը, զոր կազմակերպած է Ֆուտբոլի Անկախ Համադաշնութեան ընկերակցութիւնը (ConIFA)։ Այս կազմակերպութիւնը կը միաւորէ ֆուտբոլային ընկերակցութիւններն ու անոնց ազգային հաւաքականները, որոնք պաշտօնապէս չեն մտներ ՖԻՖԱ-ի կազմին մէջ։
“Մենք կը փափաքինք աջակցիլ համաշխարհային ֆուտբոլի ապստամբներուն, որոնք կը հրաժարին ճանչնալ ֆԻՖԱ-ն։ Ոչ մէկ միլիոնատէր, ոչ մէկ աստղ, այլ պարզապէս տիպար տղաներ, որոնք պիտի մրցակցին իրենց երկրին համար՝ ինչպէս սովորական հաւաքականներու մարզիկները”, նշուեցաւ ընկերութեան կողմէ։
Մրցաշարը տեղի պիտի ունենայ Լոնդոնի մէջ, 31 Մայիսէն 10 Յունիս։ Մրցաշարին պիտի մասնակցին Աբխազիան, Բարաւան (Հարաւ-Արեւմտեան Սոմալի), Կասկադիոյ հանրապետութիւնը (Խաղաղական ովկիանոսի հիւսիսային ափերուն), Մէն կղզիներու հաւաքականը, Ֆելուիդեք (Հունգարական ազգային փոքրամասնութիւն), Քաբիլիա (Ալժերիոյ հիւսիսին), Մատաբելելենդ (Զիմբաբուէի նահանգ), Պադանիա (Իտալիոյ հիւսիսին), Հիւսիսային Կիպրոս, Պենջաբ, Սեկէյլական գաւառ (Ռոմանական ազգային փոքրամասնութիւն), Թամիլ-Իլամ (Շրի-Լանկայի մէկ մասը), Թիբետ, Թուբալու, Զայնիչի (Կորիայի քաղաքացիներ Ճապոնիայէն) եւ Արեւմտեան Հայաստան։

Input your search keywords and press Enter.