Քիմիական յարձակում Սուրիոյ վրայ — Լաւրովը կը դատապարտէ սադրանքը

ԿԱՐԻՆ — “Սուրիոյ իշխանութիւններուն կը մեղադրեն քիմիական յարձակման համար արեւելեան Դումայի վրայ՝ ինչը կեղծիք է եւ սադրանք”, կը հաստատէ Ռուսիոյ Արտաքին Գործոց նախարար Սերգէյ Լաւրովը, այս Երկուշաբթի 9 Ապրիլին։
Այս մասին կը հաղորդէ ռուսական լրատուական Sputnik գործակալութիւնը, ռուսական զինուորականները նախազգուշացուցած են, որ մեծ սադրանք մը պատրաստուած է Սուրիոյ մէջ, որպէսզի հետագային Դամասկոսին մեղադրեն քիմիական զէնք կիրառելու մէջ, Երկուշաբթի օրը յայտարարած է Ռուսիոյ Արտաքին Գործերու նախարար Սերգէյ Լաւրովը։

Տ 4 օդանավակայանը Սուրիոյ Հոմս քաղաքի արուարձանին՝ դարձած է հակահրթիռային յարձակման թիրախ, 2018 թ,-ի Կիրակի 8 եւ Երկուշաբթի 9 Ապրիլի գիշերը (Լուսանկարը ABC News հեռուստաալիքի լուսաբանմամբ)

Մոսկուայի մէջ իր Տաջիկ գործընկերոջ հետ հարցազրոյցէն ետք մամուլին խօսելով՝ Ռւսաստանի դիւանագիտութեան պետը ակնարկած է հրթիռային հարուածներուն, որոնք Կիրակիէն Երկուշաբթի անցման գիշերը հասցուած են Հոմսի ռազմական Տ 4 օդանավակայանին։ “Սա իրավիճակի շատ վտանգաւոր զարգացում է” յայտարարած է ան։
Ինչ կը վերաբերի Ամերիկեան սպառնալիքներուն՝ Սուրիոյ դէմ դիմելու ռազմական տարբերակին, Լաւրովը հաստատած է, որ Սուրիոյ դէմ Ամերիկեան յարձակման պարագային՝ Մոսկուան պիտի գործէ Դամասկոսի հանդէպ իր պարտաւորութիւններուն համապատասխան։
“Ինչ կը վերաբերի ԱՄՆ-ի իշխանութիւններու զգուշացումներուն՝ — դուք գիտէք այդ — մեր զինուորականները արդէն արձագանքած են․ մենք պարտաւորութիւններ ունինք Սուրիոյ հանդէպ, ըստ խնդրանքին Սուրիոյ Արաբական Հանրապետութեան օրինական կառավարութեան, որ կը հանդիսանայ նաեւ ՄԱԿ-ի անդամ պետութիւն», — ըսած է ան:
Ան պնդած է նաեւ, որ իր երկիրը պիտի աջակցի կազմելու համար թափանցիկ հետաքննութիւնը Սուրիոյ մէջ կատարուած քիմիական յարձակման։ “Մեր մասնագէտները այցելած են այդ վայրը․․․ եւ ոչ քլորի ոչ ալ այլ քիմիական նիւթերու յետքեր գտած են։ Մենք պատրաստ կ՛ըլլանք օգնելու անոնց՝ արագ եւ թափանցիկ քննութիւն իրագործելու համար։ Սակայն եթէ հետազօտութիւնը պէտք է կանխորոշուած եզրակացութեանն հանգի՝ որպէս թէ Պուտինի աջակցութեամբ քիմիական յարձակում մը պատրաստուած է Ասադի կառավարութեան կողմէ,- ապա խնդրոյ առարկան լուրջ քննարկումներու կարիքը չ՛ունենար”։
Սերգէյ Լաւրովին չէ յաջողած խօսիլ Սուրիոյ մէջ թրքական ռազմական գործողութիւններուն շուրջ։
Ձիթենիի ճիւղ գործողութեան աւարտէն ետք՝ Թիւրքիան պետք է Աֆրինի վերահսկողութիւնը վստահի Սուրիական կառավարութեան, ըստ Ռուսաստանի Արտաքին Գործոց նախարարին։

presstv.com

Input your search keywords and press Enter.