Կովկասեան ընձառիւծը կը վերադառնայ «Խոսրովի անտառ» պետական արգելոց

«Խոսրովի անտառ» պետական արգելոցին մէջ Բնութեան համաշխարհային հիմնադրամի (WWF-ի) ֆոտո-թակարդներն առաջին անգամ արգելոցի պատմութեան մէջ նկարահանած են կովկասեան ընձառիւծ։
«Խոսրովի անտառ» պետական արգելոցի տնօրէն Հրաչ Յովակիմեանը նշած է, որ առաջին դէպքն է, երբ «Խոսրովի անտառ» պետական արգելոցին մէջ ընձառիւծ կը նկարահանուի, եւ կան ինչպէս լուսանկարներ՝ այնպէս ալ տեսանիւթեր. «Սա հերթական անգամ կ՛ապացուցէ այն փաստը, որ արգելոցը մեր երկրի վտանգուած կենդանատեսակներուն համար չափազանց կարեւոր ապրելավայր է։ Տրամադրուած նիւթերն ապացոյց են այն բանի, որ ընձառիւծն արդէն 4 ամիսէ ի վեր կը բնակի արգելոցին մէջ։ Ընձառիւծի նկարահանումը մեզի աւելի կը պարտաւորեցնէ, քանի որ այսուհետեւ մենք պէտք է ըլլանք շատ աւելի ուշադիր եւ աւելի հզօրացնենք արգելոցի պահպանութեան համակարգը։ Կ՛ակնկալենք մեր գործընկերներու աջակցութիւնն այդ գործընթացին»։
Բնութեան համաշխարհային հիմնադրամի Հայաստանեան գրասենեակի տնօրէն Կարեն Մանուէլեանն ըսեր է. «Երբ 2002 թ.-ին սկսեցանք աշխատիլ Հայաստանի մէջ, այստեղ չէր մնացած որեւէ ընձառիւծ։ Ձեռնարկուած առաջին քայլերէն էր ընձառիւծի ապրելավայրերու վերականգնումը՝ որպէս պահպանութեան պարտադիր միջոց: Քանի մը տարի անց արդէն «Արեւիկ» ազգային պարկի տարածքին գրանցեցինք առաջին յաջողութիւնը՝ ստանալով ֆոտո-թակարդներու կողմէ արուած ընձառիւծի նկարներ։ «Խոսրովի անտառ» պետական արգելոցին մէջ պարբերաբար կը յայտնաբերէինք ընձառիւծի յետքեր, սակայն երբեւէ չէնք կրցած զայն նկարահանել։ Այսօր վստահօրէն կրնանք ըսել, որ կովկասեան ընձառիւծը կը վերադառնայ արգելոց: Սա հիանալի նորութիւն է, ինչը կը փաստէ, որ արգելոցին մէջ վիճակը կայուն է եւ առկայ է պահպանութեան բարձր մակարդակ»։
2002 թ․-էն սկսած ՀՀ բնապահպանութեան նախարարութիւնը եւ Բնութեան համաշխարհային հիմնադրամի Հայաստանեան մասնաճիւղը (WWF Armenia) կ՛իրականացնեն Կովկասեան ընձառիւծի պահպանութեան ծրագիրը Հայաստանի մէջ։ Ծրագիրի հիմնական նպատակն է անյետացման եզրին գտնուող ընձառիւծի (Panthera pardus ciscaucasica), ինչպէս նաեւ անոր համար որս հանդիսացող տեսակներու՝ բեզոարեան այծի, հայկական մուֆլոնի եւ այլ տեսակներու աւելացումը, այդ կենդանատեսակներու ապրելավայրերու պահպանութիւնը: Հայաստանի մէջ ծրագիրը կը ֆինանսաւորուի Գերմանիոյ եւ Զուիցերիոյ WWF գրասենեակներուն կողմէ։ Կենդանատեսակը գրանցուած է ՀՀ Կարմիր գիրքին մէջ եւ Բնութեան պահպանութեան միջազգային միութեան (IUCN) Կարմիր ցուցակին՝ «ծայրայեղ» կարգավիճակով: Ներկայիս Հայաստանի մէջ կը հաշուառուի 7-9 ընձառիւծ, որոնց ապրելավայրերն են Արարատի, Վայոց Ձորի և Սիւնիքի մարզերը:

Input your search keywords and press Enter.