Ժողովուրդներու Մշտական Դատարանի յաջողուած նիստը՝ Թիւրքիային եւ Քիւրդերուն վերաբերեալ

Սիրելի գործընկերներ եւ բարեկամներ,
15 եւ 16 Մարտ 2018 թուականին Ժողովուրդներու Մշտական Դատարանը Փարիզի մէջ ունեցաւ նիստ մը՝ Թիւրքիայի եւ Քիւրդերու վերաբերեալ”։ Աւելի քան 400 անձեր հետաքրքրութեամբ հետեւած են նիստին։
Ներածական նիստին՝ 7 դատաւորներէ բաղկացած յանձնաժողովը լսեց թրքական Պետութեան կողմէ ժխտման վկայութիւնները Թիւրքիոյ մէջ ապրող Քիւրդերու քաղաքական, մշակութային, ընկերային եւ տնտեսական իրաւունքներուն։ Մեղադրող կողմը պնդեց, որ Քիւրդերու ինքնորոշման իրաւունքի այդ խախտումներն են պատճառը՝ Թրքական Պետութեան հետ անոնց հակամարտութեան, եւ քիւրդերու ըմբոստութեան՝ տասնամեակներ շարունակ։
Բանավէճերուն ընթացքին վկաները լսելի դարձուցին երկու հարթութեան ոճիրներ՝ ենթադրաբար կատարուած թրքական Պետութեան կողմէ։ Մէկ կողմէ պատերազմական յանցագործութիւններ (հնարաւոր է մարդկութեան դէմ ուղղուած յանցագործութիւններ), կատարուած թրքական բանակի եւ անվտանգութեան ուժերու գրոհին ընթացքին՝ ընդդէմ քրդական գլխաւոր քաղաքներուն, 2015 թ․-ի Սեպտեմբերէն 2017 թ,-ի Յունիսի միջեւ ինկած ժամանակամիջոցին, եւ միւս կողմէ Պետական ոճիրներ՝ ինչպիսիք են նպատակային սպանութիւնները, առեւանգումներ, յանցագործ հրդեհումներ եւ ռմբակոծումներ՝ իրականացուած քանի մը տասնամեակ թրքական տարածքին կամ անկէ դուրս։ Այս յանցագործութիւնները յստակօրէն ուղղուած էին քրդական գործիչներու ահաբեկման, նաեւ սարսափ ու շփօթ ստեղծելու համար քրդական կազմակերպութիւններուն մէջ։
Ջիզրէյի, Սուրի (Դիյարբաքիրի), Նուսայբին-Մծբինի եւ Սիրնակի վկաներու խօսքը լսուեցաւ՝ քրդական քաղաքներուն դէմ գործուած յարձակումներուն շուրջ, քանի որ անոնցմէ ոմանք ներկայ էին Փարիզի մէջ, ոմանք ալ ներկայացան սկայպով։
Անոնք նկարագրած են, թէ ինչպէս թրքական անվտանգութեան ուժերը ռմբակոծած են քաղաքները հրանօթներով, թէ ինչպէս դիպուկահարները թիրախաւորած էին քաղաքացիներուն, թէ ինչպէս նկուղներուն մէջ ապաստան որոնող քաղաքացիները դիտաւորեալ յարձակման ենթարկուած էին եւ սպաննուած։ Դատավարութիւնը ցոյց տուաւ, թէ ինչպէս կանխամտածուած էին այդ գրոհները եւ իրագործուած, եւ խնդրեցին դատարանէն, որ անոնց ըրածները փաստագրէ որպէս պատերազմական յանցագործութիւններ։
Դատաքննութեան վարոյթի երկրորդ օրուան ընթացքին՝ բազմաթիւ վկայութիւններ լսուած են 2013 թ․-ի Յունուարին Փարիզի մէջ տեղի ունեցած սպանութիւններուն մասին, երեք քիւրդ մարտիկներու մասին՝ թրքական անվտանգութեան գործակալութեան գործակալի մը կողմէ:
Նիստի աւարտին, Դատավարութեան նախագահ պարոն Ֆիլիպ Թեքսիէրը, որ ֆրանսական վճռաբեկ դատարանի նախկին դատաւոր է՝ յայտարարած է յանձնախումբի նախնական որոշ եզրակացութիւնները։ Ան նշած է, թէ յանձնախումբն արդէն հասած է այն եզրակացութեան՝ որ քիւրդերու ինքնորոշման իրաւունքի խախտումն է որ դարձած է հակամարտութեան պատճառը, զոր պէտք է համարել ոչ միջազգային զինուած հակամարտութիւն՝ ինչպէս սահմանուած է միջազգային օրէնքով, եւ ոչ որպէս ահաբեկչութեան դէմ ոստիկանութեան գործողութիւն՝ ինչպէս կը ներկայացնէ թրքական Պետութիւնը։
Ան նաեւ յայտարարած է, թէ յանձնախումբի համար ակնյայտ էր, որ պատերազմական յանցագործութիւններն ու Պետական յանցագործութիւնները կատարուած են թրքական Պետութեան կողմէ։ Դատավարութեան նախագահը այլեւ նշած է, որ յանձնախումբի պատշաճ պատճառաբանուած որոշումը պիտի յայտարարուի 2018 թ․-ի Մայիսի 24-ին, Բրիւքսէլի մէջ, Եւրոպական խորհրդարանի պալատին մէջ (սրահ A3G-2, ժամը 12։30-էն 14։30)
Դիտորդներու 52 հոգինոց խումբ մը եւ քաղաքացիական հանրութեան տարբեր կազմակերպութիւններու ներկայացուցիչներ՝ մասնակցած են նիստին։ Դիտորդները հրաւիրուած էին կիսուելու համար — յօդուածներով եւ յստակ հաշուետւութիւններով, եւայլն, — նիստի իրենց եզրակացութիւններն ու տպաւորութիւնները՝ հանրութեան հետ։

Որոշ դիտորդներ ելոյթ կ՛ունենան նաեւ համաժողովին՝ որուն ընթացքին կը յայտարարուի Դատարանի որոշումը։
Դատավարութիւնը նախաձեռնողները յատկապես կ՛ուզեն շնորհակալութիւն յայտնել դատաւորներուն՝ որ իրենց մասնակցութիւնը բերած են դատաքննութեան, նաեւ բոլոր անձերուն՝ որոնք մասնակից դարձած են ներկայացնելով ապացոյցներ եւ դիտողութիւններ, սոյն Դատավարութիւնը յաջողցնելու համար:
Մենք նաեւ կը ցանկանք արտայայտել մեր երախտագիտութիւնը բոլոր անոնց՝ ովքեր մասնակցած են դատավարութեան, եւ դիտարկած են զայն:

Մենք ձեզ կը հրաւիրենք խորհրդակցելու եւ ծանօթացնելու համար մեր կայքին՝ որտեղ հասանելի է տեսաերիզ, որ կ՛ընդգրկէ Դատավարութեան բոլոր նիստերը http://tribunal-turquie-kurdes.org/։
Այս նախաձեռնութեանն աջակցող կազմակերպութիւններուն եւ անհատներուն ցուցակը նոյնպէս հասանելի է սոյն կայքով․
http://tribunal-turkey-kurds.org/index.php/endorsers/
Բոլոր յարակից տեղեկութիւններուն համար կրնաք կապուիլ համաժողովի քարտուղարին․
E-mail: info@tribunal-turkey-kurds.org
Ինտերնետ կայք: http://tribunal-turquie-kurdes.org/

Դատավարութիւնը ներդաշնակող Կոմիտէ,
Ֆիդան Ունլուբայիր

Input your search keywords and press Enter.