Ամերիկեան, ֆրանսական եւ անգլիական օդուժը հարուածներ հասցուցած են Սուրիական դիրքերուն, Փարիզի ժամանակով առաւօտեան ժամը 2։42-էն մինչեւ 4։10-ն։ Սուրիական Սանա գործակալութիւնը կը նշէ երեք վիրաւորներու առկայութիւնը

ԱՐԵՒՄՏԵԱՆ ՀԱՅԱՍՏԱՆ — Ուաշինկտոնը, Փարիզն ու Լոնդոնը Ուրբաթ օր գիշերը շարք մը հարուածներ հասցուցած են Սուրիոյ տարածքին։
Ըստ Ռուսիոյ Պաշտպանութեան նախարարութեան, դաշինքը ուղարկած է աւելի քան 100 թեւաւոր հրթիռներ եւ երկիր-օդ հրթիռներ՝ Կարմիր ծովի մէջ դիրքաւորուած Ամերիկեան երկու նաւերէն։

Էլիսէ (տեսահոլովակ)
✔@Elysee

Այս գիշեր ճախրումը ֆրանսական զինուած ուժերուն՝ որոնք պիտի միջամտեն ընդդէմ Սուրիական վարչակազմի ապօրինի քիմիական զինանոցին։ Հանրապետութեան Նախագահի Յայտարարութիւնը․
@EmmanuelMacron : http://www.elysee.fr/communiques-de-presse/article/communique-de-presse-du-president-de-la-republique-sur-l-intervention-des-forces-armees-francaises-en-reponse-a-l-emploi-d-armes-chimiques-en-syrie/ …
04:39 — 14 avr. 2018

Ռուսաստանի Պաշտպանութեան նախարարը կը մատնանշէ հարուածները, որոնք տեղի ունեցած են Ֆրանսայի ժամանակով ժամը 2։42-էն մինչեւ 4։10-ն։ Հարուած մը ընդդէմ Սուրիական հետազօտական կեդրոնի մը՝ որ զոհեր չէ յառաջացուցած, կը տեղեկացնէ Սանա գործակալութիւնը։ Յարձակումը պատճառած է ընդամէն 3 վիրաւորներ, ըստ լրատուամիջոցին։
Միջազգային դաշնակիցներու հարուածներուն թիրախ դարձած ռազմական կայքերը տարհանուեր են քանի մը օր առաջ՝ Ռուսաստանի կողմէ ստացուած տեղեկատւութեան հետեւանքով, Շաբաթ օրը յայտարարած է Սուրիական բարձրաստիճան պատասխանատու մը։
Ան աւելցուցած է, որ Սուրիական իշխանությունները գնահատած են այդ հարուածներուն հետեւանքները:

Input your search keywords and press Enter.