— Թրքական հասարակութիւնը հիւանդ է, որովհետեւ կատարած է անպատիժ մնացած յանցագործութիւն մը: Այս իրավիճակը Թրքական հասարակութեան կողմէ նոր յանցագործութիւններ գործելու պատճառ կրնայ հանդիսանալ: Թիւրք հասարակութիւնը չի կրնար առողջ ըլլալ՝ քանի Հայերու ցեղասպանութեան հարցը չէ լուծուած.

(Թաներ Աքչամ, Armenosid-ի փորձագէտ) Ապրիլ 2000 Փարիզ

— Օսմանեան կայսրութեան փլուզման պատճառով շատ պետութիւններ ստեղծուեցան՝ բացառութեամբ հայկական եւ քրդական պետութիւններուն: Արեւմուտքն այժմ կ՛աշխատի անոնց օգտին:

(Սուլէյման Դեմիրել; Թիւրքիոյ հանրապետութեան նախագահ) Մայիս 1995

— Մենք պէտք է փրկենք մեր երեխաները պատմութեան ստուերէն, բայց այդ ալ հնարաւոր կրնայ դառնալ՝ պատմութեան հետ լուրջ առճակատմամբ:

(Բուլենտ Փեկեր; Թիւրքիոյ մարդու իրաւունքներու պաշտպան) Ապրիլ 2001

— Մենք ցոյց կուտանք տարօրինակ վարքագիծ մը Հայերու ցեղասպանութեան վերաբերեալ: Ամբողջ քաղաքակիրթ աշխարհը կը ճանչնայ Հայերու դէմ կատարուած ցեղասպանութիւնը: Ատիկա պատմական վաւերագրական փաստաթուղթ մըն է, եւ այդ փաստաթուղթը անմոռանալի է:

(Ահմետ Ալթան, հեղինակ, խմբագիր)

-2001 թուականին իր սեփական քաղաքացիները «կորսնցնող» երկիր մը, ինչպէ՞ս կրնայ համոզիչ ըլլալ աշխարհին՝ թէ 85 տարի առաջ հայերը «կոտորուած չեն»:

(Զեյնեբ Գիւրջանլը; Սթար թերթի յօդուածագիր) Փետրուար 2001 թ․

-Էնվէր Փաշան Դիմիաթ գացած էր բրինձ գնելու, աւաղ կրնար կորսնցնել իր տան եղած ձաւարը: Ահա սա յիմարութեան վերջն է: Այժմ մենք այս յիմարութեան սկիզբին կը գտնուինք:

(Մահիր Սայըն, Գիւնդեմ թերթի յօդուածագիր) Յունուար 2001 թ․

— Թիւրքիան ոչ միայն այսօր՝ այլ երեկ ալ կը սիրէր մահը: 24 Ապրիլ Հայերու եւ Ասորի ժողովրդներուն դէմ ցեղասպանութիւն գործադրած դաժան համակարգը դեռ կը հերքէ իր կատարած կոտորածը: Այս ջարդերուն ներգրաւուած Քիւրդերն ալ մեր խայտառակութիւնն են:

(Հայդար Ըշըկ; Օէզգիւր Պոլիտիքա թերթի սիւնակագիր) Ապրիլ 2001 թ․

— Ճանչնանք այն ինչ որ ճշմարտութիւն է, եւ իրականութեան հետ առճակատման քաղաքականութիւն կիրառենք՝ այսինքն գիտական պատկերացմամբ պատմութիւնը եւ անցեալը մատուցենք, որպէսզի պարզօրէն չմնանք այն իրավիճակին մէջ՝ ինչպիսին այսօր ունինք:

(Օրհան Բուրսալը; Ճումհուրիյէթ թերթի սիւնակագիր) Փետրուար 2001

— Եթե Հիտլերը թիւրք ըլլար՝ ապա հրեաներու ցեղասպանութիւնն ալ կը մերժէինք:

(Էրգուն Բաբահան; «Սթար» թերթի սիւնակագիր) Մարտ 2010

— Դիարբեքիրի ամենամեծ տառապանքը՝ իր հայերը կորսնցնելն էր:

(Բէժան Մաթուր; Կին լրագրող) Սեպտեմբեր 2009

— Թիւրքիան պետական սուտերով ղեկավարուող երկիր մըն է, բան մը որ ամբողջ աշխարհը գիտէ՝ Թիւրքիոյ հասարակութիւնը չի գիտեր:

(Միթհաթ Սանչար; Անկարայի համալսարան, իրաւաբանական ֆակուլտետի դասախօս) Սեպտեմբեր 2009

— Թիւրքիան միջազգային ասպարէզէն ներս Հայերու դէմ կատարուած ցեղասպանութեան խնդիրով բռնցքամարտի մրցոյթին՝ կարծես կը նմանի նոկաուտի ենթարկուած մարտիկի:

(Դոկտոր Հաթեմ Ջաբբարլը; Ջումհուրիյէթ թերթի ռազմավարական յաւելում) Յունիս 2008

Հեղինակ՝ Շահան Բենիկ Մնայեան

Input your search keywords and press Enter.