Հրաւէր միջազգային համաժողովի՝ Ժողովուրդներու Մշտական Դատարանի դատավճիռը ներկայացնելու համար Թիւրքիային եւ Քիւրդերուն

Հրաւէր միջազգային համաժողովի՝ Ժողովուրդներու Մշտական Դատարանի դատավճիռը ներկայացնելու համար Թիւրքիային եւ Քիւրդերուն
24 Մայիս 2018թ․, ժամը 12:30-էն 14:30
Եւրոպական Խորհրդարան, Բրիւքսէլ

Սիրելի գործընկեր(ներ) եւ բարեկամ(ներ),

Մարտի 15-ին եւ 16-ին՝ Ժողովուրդներու Մշտական Դատարանը Փարիզի մէջ նիստ գումարեց Թիւրքիային եւ Քիւրդերուն վերաբերեալ, ուր ներկայ էին աւելի քան 400 անձեր։ Նախնական նիստին՝ 7 դատաւորներէ կազմուած յանձնախումբը լսեց Թիւրքիոյ մէջ բնակուող Քիւրդերու քաղաքական, մշակութային, հանրային եւ տնտեսական իրաւունքներու ժխտման վկայութիւնները՝ թրքական Պետութեան կողմէ։ Դատախազութիւնը պնդեց, որ քիւրդերու ինքնորոշման իրաւունքի այդ խախտումները պատճառ դարձած են թրքական պետութեան եւ քիւրդերու միջեւ հակամարտութեան ծագման, ապա եւ տասնամեակներ շարունակուող քրդական ապստամբութեան:
Յատկապէս լսուեցան քրդաբնակ Ջիզրա, Սուր (Դիարբեքիր), Նուսայբին (Մծբին) եւ Շիրնաք քաղաքներուն վրայ յարձակման մասին հաղորդուած նիւթերը վկաներու, որոնցմէ ոմանք ներկայ էին Փարիզի մէջ, ոմանք ալ սկայպով կապուեցան։ Անոնք նկարագրեցին քաղաքներուն ռմբակոծութիւնը թրքական բանակի եւ անվտանգութեան ուժերուն կողմէ, գործունէութիւնը դիպուկահարներուն՝ որոնք ուղղուած էին քաղաքացիական անձերու դէմ, յարձակումներն ու սպանութիւնները քարանձաւներու մէջ ապաստանած փախստական քաղաքացիներու։
Դատախազութիւնը ցոյց տուաւ, թէ ինչպէս են դիտաւորեալ ծրագրաւորուած այդ բոլոր յարձակումները եւ իրագործուած, եւ խնդրեց դատարանին՝ որ հաստատեն անոնց պատերազմական յանցագործութիւններ ըլլալը:
Դատավարութիւնը ներկայիս կը հասնի իր վերջին փուլին։ Անոր չորս նախաձեռնողները յայտարարեցին Եւրոպական Խորհրդարանի քաղաքական խումբերու հետ համագործակցութիւն — Սոցիալիստներու եւ դեմոկրատներու յառաջդիմական դաշինքի, Եվրոպական Միացեալ Ձախերու/Սկանդինաւեան Ձախ Կանանչներու եւ Կանանչներու/Ազատ Եւրոպական Դաշնութեան հետ, որոնք կ՛անցընեն միջազգային գիտաժողով՝ 24 Մայիս 2018 թուականին Բռիւքսէլի մէջ, Դատավարութեան նախագահութեամբ Պարոն Ֆիլիպպ Թեքսիէրի, որ ֆրանսական վճռաբեկ դատարանի նախկին դատաւոր էր, եւ միւս եօթն դատաւորներն ալ պիտի յայտարարեն Դատարանի պատճառաբանուած որոշումը:

Input your search keywords and press Enter.