Արեւմտեան Հայաստանի Նախագահ Արմենակ Աբրահամեանը Մայիսի 9-ի Յաղթանակին և Շուշիի ազատագրման կապակցութեամբ ուղերձ յղած է

Արեւմտեան Հայաստանի Նախագահ Արմենակ Աբրահամեանի ուղերձը՝ Մայիսի 9-ի Յաղթանակի, Շուշիի Ազատագրութեան, Արեւմտեան Հայաստանի Հանրապետութեան Սահմանադրութեան եւ Խաղաղութեան տօնի առիթով: Ուղերձով մասնավորապէս ըսուած է․

Սիերլի բարեկամներ, յարգելի հայրենակիցներ,

Ընդունեցէք անկեղծ շնորհաւորանքներս մեր ժողովուրդի առանձնայատուկ տօներուն կապակցութեամբ։
Այս իրադարձութիւնները ընդմիշտ գրանցուած են մեր պատմութեան մէջ եւ սակայն կը յիշեցնեն, որ մարդկութեան դէմ սանձազերծուած պատերազմի եւ ցեղասպանութեան յանցագործութիւնները կը շարունակուին եւ անոր վկայութիւնն է Միջին Արեւելեան ճգնաժամը, որ յատուկ սպառնալիքներ կը ստեղծէ տարածաշրջանի բնիկներուն, այդ շարքին՝ հայութեանն ու հայ համայնքներուն համար,
ինչը կը նշանակէ, որ ինչպէս անցեալին՝ այնպէս ալ այսօր կազմակերպուելու եւ ազգային ներուժը կեդրոնացնելու խնդիր ունինք, դիմագրաւելու համար նոր մարտահրաւէրները:

Չենք կասկածիր, որ անցեալի յաղթանակները պիտի ոգեշնչեն նոր իրագործումներ կատարելու, հաշուի առնելով անշուշտ, նաեւ առաջին եւ երկրորդ համաշխարհային պատերազմներուն դասերը, որոնք ցոյց կուտան համախմբուելու եւ պաշտպանութեան համար մեծ ներոյժ եւ ուժականութիւն առանձնացնելու առաջնահերթութիւնը, որուն կարիքը կայ այսօր նոյնպէս։

Արեւմտեան Հայաստանի Հանրապետութեան Սահմանադրութիւնը կուտայ այդ հնարաւորութիւնը՝ կարգաւորելու, կազմակերպուելու եւ ապահովելու համար ոչ միայն Արեւմտեան Հայաստանի հայութեան անվտանգութիւնը, այլեւ անոր հիմնարար իրաւունքներու պաշտպանութիւնը:

Յավէրժ փառք ու անանց յիշատակ բոլոր ժամանակներու մեր հերոսներուն՝ ովքեր ապահովեցին եւ կ՛ապահովեն հայութեան ապրելու, ազատ ըլլալու եւ զարգանալու իրաւունքը:

ԱՐՄԵՆԱԿ ԱԲՐԱՀԱՄԵԱՆ
Արեւմտեան Հայաստանի Ազգային Խորհուրդի Նախագահ

Input your search keywords and press Enter.