Հայաստանի Հանրապետութեան վարչապետ Նիկոլ Փաշինեանը դեմ չէ Թուրքիոյ հետ յարաբերութիւններու կարգաւորումին

ԱՐԵՒՄՏԵԱՆ ՀԱՅԱՍՏԱՆ — Հայաստանի Հանրապետութեան վարչապետ Նիկոլ Փաշինեանը Արցախի մէջ խօսած է հայ–թրքական յարաբերութիւններու կարգաւորման ու Արցախեան հակամարտութեան բանակցութիւններուն մասին։
Հայ-թրքական յարաբերութիւններու մասին հարցին ի պատասխան՝ վարչապետ Ն. Փաշինեանը ըսաւ, որ Հայաստանը այսօր ալ պատրաստ է Թիւրքիոյ հետ յարաբերութիւններու հաստատման` առանց նախապայմաններու։
Արեւմտեան Հայաստանի Ազգային Խորհուրդի նախագահ Արմենակ ԱԲՐԱՀԱՄԵԱՆ-ը այս թեմային վերաբերեալ նշած է, որ Թիւրքիոյ եւ Հայկական Հանրապետութեան միջեւ դիւանագիտական յարաբերութիւնները գոյութիւն ունին 1918 թուականի Հունիս 4-էն ի վեր, պաշտօնապէս հաստատուած Բաթումի պայմանագիրով:
Միեւնոյն ժամանակ 1918 թուականի գարնան եւ ամռան՝ Արեւելեան Լեգիոնը (Արեւմտեան Հայաստանի զինուած ուժերը) կը պայքարէին թրքական զինուած ուժերուն դէմ, Մերձաւոր Արեւելքի մէջ:
Նոյնիսկ եթէ այս յայտարարութիւնը վնաս է Արեւմտեան Հայաստանի համար՝ այնուամենայնիւ Արեւմտեան Հայաստանը (Հայաստան պետութիւնը — ներառեալ Արցախը) Ատրբէյջանի հետ սահմաններու հարցը չի կարգավորեր, Արեւմտեան Հայաստանը մինչեւ հիմա Ատրբէյջանի հետ դիւանագիտական յարաբերութիւններ չէ հաստատած։
Հասկնալով, որ Հայաստանի Հանրապետութեան մէջ նոր կառավարութիւն ստեղծուելէ ետք, Թիւրքիա-Հայաստան յարաբերութիւնները կրնան մտնել նոր փուլ՝ ես Ապրիլ 26-ին ժամանած եմ Երեւան, որպէսզի Նիկոլ Փաշինեանին յանձնեմ Արեւմտեան Հայաստանի քաղաքացիութիւնը, բայց հաշուի առնելով անոր զբաղուածութիւնը՝ ես չկրցայ հանդիպիլ իրեն:
Հայաստանի Հանրապետութեան նորընտիր վարչապետի յայտարարութենէն ետք՝ կը կարծեմ թէ ժամանակն է, որ Հայկական Հանրապետութեան Կառավարութիւնը հաշուի կ՛առնէ Արեւմտեան Հայաստանի Հանրապետութեան գոյութիւնը:
Արեւմտեան Հայաստանի ու Թիւրքիոյ միջեւ ընտրութիւն կատարելով՝ շատ պետութիւներ 1923 թուականէն արդէն ընտրած են Թիւրքիային։ Ինչո՞ւ համար:
Յիշեցնենք, որ 1917թ.-ի Դեկտեմբեր 29-ին Խորհրդային Ռուսաստանի Ժողկոմխորհին կողմէ ընդունուած «Թրքահայաստանի մասին» (Արեւմտեան Հայաստան) Դեկրետով՝ ճանչցուած է Թրքահայաստանի (Արեւմտեան Հայաստան) հայութեան ազատ ինքնորոշման իրաւունքը՝ ընդհուպ մինչեւ լիակատար անկախութիւն:
1920թ.-ի Յունվար 19-ին` Փարիզի Վեհաժողովին ժամանակ, Դաշնակից Տէրութիւններու Գերագոյն Խորհուրդին կողմէ դէ ֆակտո (de facto), իսկ 1920թ.-ի Մայիս 11-ին՝ Սան Ռեմոյի խորհրդաժողովին ժամանակ դէ յուրէ (de jure) ճանչցուեցաւ որպէս անկախ եւ ինքնիշխան պետութիւն: 1920թ.-ի Նոյեմբեր 22-ին ԱՄՆ նախագահ Վուդրո Ուիլսոնի Իրաւարար վճիռով որոշուեցաւ հայ-թրքական սահմանը:
Հարկ է նշել, որ Արեւմտեան Հայաստան Պետութիւնը ՄԱԿ-ի կողմէ չէ ճանչցուած՝ Թիւրքիոյ կողմէ բռնագրաւուած ըլլալուն պատճառով:
Յիշեցնենք, որ 1894-1923թթ.-ուն Արեւմտեան Հայաստանի գրաւուած տարածքներուն՝ թրքական երեք կառավարութիւններու կողմէ բնիկ հայ ժողովուրդը ենթարկուեցաւ Ցեղասպանութեան:
Կարին (Էրզրում) քաղաքը Արեւմտեան Հայաստանի պաշտօնական մայրաքաղաքն է, որ ճանչցուած է դաշնակից պետութիւններուն կողմէ 1920 թուականին:

Input your search keywords and press Enter.