Ռուսաստանի նոր դերը` Սուրիական հակամարտութեան լուծման գործով

ԿԱՐԻՆ — Մոսկուան մտադիր է արտաքին ռազմական ներկայութիւնը մաղելու Սուրիոյ մէջ, եւ հակամարտութեան կարգաւորման համար նոր ծրագիր ներկայացնելու՝ որուն յաջողութիւնը կախուած կ՛ըլլայ բոլոր դերակատարներու համաձայնութենէն:

«Մոսկուան կարծես թէ կը վերսկսի իր ռազմական գործողութիւնները Սուրիոյ մէջ եւ նոր սկզբունքներ կ՛որդեգրէ մասնակցելու համար այս երկրի հակամարտութեան կարգաւորման», կը գրէ Նիզաւիսիմայա Գազետա թերթը, Մայիս 21-ի իր հրապարակումով:
Սուրիոյ նախագահ Բաշշար ալ-Ասադին հետ հանդիպումէն ետք, Նախագահ Վլադիմիր Պուտինը պնդած է, որ ինքն աջակցելու է կազմելու համար կառավարական պատվիրակութիւն, Սուրիոյ մէջ ստեղծելու համար համարսահմանադրական յանձնաժողով։ Աւելին, ան կը գտնէ, որ Սուրիոյ ճգնաժամի քաղաքական կարգաւորման գործընթացը պէտք է սկսի դուրս բերմամբ Սուրիոյ տարածքին գտնուող օտարերկրեայ զօրքերուն՝ որոնք այնտեղ են առանց Դամասկոսի հաւանութեան։
Այնուամենայնիւ, Սուրիական հակամարտութեան կարգաւորման հարցի շատ մը դերակատարներ՝ չեն ճանչնար Դամասկոսի ներկայ կառավարութիւնը, եւ կը պահանջեն խորքային փոփոխութիւններ ու Բաշշար Ալ-Ասադի հեռացումը։ Բացի ԱՄՆ-ի գլխաւորած միջազգային դաշնութենէն՝ Թիւրքիան ու Իսրայէլն ալ կը համարուին այդ ըմբոստ դերակատարներէն։ Ասոնցմէ իւրաքանչիւրը գրաւած է եւ կը վերահսկէ Սուրիոյ տարածքէն մաս մը:
Գոլանի բարձունքներուն բռնագրաւումը Իսրայէլի կողմէ՝ ակնյայտ օրինակ է․ տասնամեակներ շարունակ Թել Աւիւը վերցուցած է Սուրիոյ հարաւ-արեւելքի սահմանին գտնուող տարածքներն ու Յորդանանի արեւելքը, ինչը Սուրիան չի կրնար ընդունիլ։ Կամ ԱՄՆ-ի զինուած ուժերուն եւ Թիւրքիոյ ձեռքին գտնուող Սուրիական տարածքները՝ որոնք նոյն ճակատագիրին ենթարկուած են:
Միւս կողմէ, Ռուսաստանի Դաշնութեան նախագահի Սուրիոյ մէջ յատուկ ներկայացուցիչն ու Աստանայի բանակցութիւններուն Մոսկուայի գլխաւոր ներկայացուցիչ Ալեքսանդր Լաւրենտիեւը յայտարարած է, որ Սուրիոյ քաղաքական կարգաւորման գործընթացը կը խթանուի՝ երկրէն բոլոր օտարերկրեայ զօրքերուն դուրս բերումով:
Վերջին շաբաթներուն ընթացքին՝ հարիւրաիոր Սուրիացի փախստականներ վերադարձած են տուն:
Այս տունդարձը կը կատարուի միայն ու միայն Դամասկոսի կառավարութեան հովանիին տակ՝ թիւ 10 հրամանագիրի հիման վրայ, կամ Քաղաքային վերականգնման հրամանագիրին վրայ՝ հրապարակուած Բաշշար ալ Ասադի կողմէ։ :
Ըստ վիճակագրութեան՝ Սուրիան հաշուած է աւելի քան 10 միլիոն տեղահանուած: Ըստ այդմ կարելի է աւելցնել, մօտ 4 միլիոնը արտագաղթած են, իսկ մօտ 7 միլիոնը տեղափոխուած են երկրի տարբեր շրջաններ:
Ակնյայտ է, որ այս բնակչութեան արագ վերադարձը հնարաւոր չէ: Այսպիսով, թիւ 10 հրամանագիրը թոյլ կուտայ Բաշշար ալ-Ասադի կառավարութեան՝ գրաւելու սեփականութիւնները այն մարդկանց, ովքեր չեն ցանկար Սուրիա վերադառնալ շատ կարճ ժամանակի մէջ։:
«Էխո Մոսկու» ռադիոկայանի գլխաւոր խմբագիր Ալեքսէյ Վենեդիկտովը կը կարծէ, որ այս նոր օրէնքը կրնայ լուրջ մարտահրաւէր դառնալ Սուրիոյ համար։ Ըստ անոր, Ռուսաստանը պէտք է համոզէ նախագահ Ասադին՝ որ իր որոշումը չեղեալ համարէ, քանի որ այն ոչ մէկ ձեւով կը համապատասխանէ Մոսկուայի կամ Դամասկոսի շահերուն:
Սուրիոյ խնդիրները կը լուծուին մէկ առ մէկ, սակայն կարծես դժուար է մնայուն կայունութեան հաստատումը: Հետեւաբար, Մոսկուան կ՛առաջարկէ նոր բանաձեւ մը, որ բաղկացած ըլլայ Սուրիոյ քաղաքական խմբակցութիւններուն միջեւ համաձայնութեաբ մը, եւ այս կտրուածքով՝ իշխանութեան փոփոխման եւ նոր ընտրութիւններ անցընելու հարց չըլլայ:
Եւրոմիութիւնն ու Միացեալ Նահանգները չեն յայտարարած իրենց դիրքորոշումները Ռուսաստանի նոր առաջարկներուն վերաբերեալ: Մինչդեռ Ամերիկացիները դեռ կ՛աջակցին Սուրիական ընդդիմութեան: Ֆրանսան կ՛առաջնորդուի նոյն հրահանգով, եւ ըստ որոշ տեղեկութիւններու՝ «Ֆրանսայի յատուկ նշանակութեան ուժերէն 70-է աւելի զինուորականներ տեղաբաշխուած են Սուրիոյ հիւսիսային հատուածի ռազմական խարիսխներու մէջ»։
Սակայն Սուրիոյ վիճակի վերանայման հեռանկարը Մոսկուայի ջանքերով՝ ծածկուած է անորոշութեամբ:

presstv.com

Input your search keywords and press Enter.