Ֆրանսացի դիպուկահարները միակը չեն որ պէտք է ձերբակալուին Սուրիոյ մէջ

ԿԱՐԻՆ — Ռուսական լրատուական Sputnik գործակալութիւնը կը վերադառնայ քանի մը օր առաջուայ նորողութիւններու վերնագիրին, ըստ որուն, Սուրիական բանակին կողմէ ձերբակալուած էին տասնեակ ֆրանսացի զինուորներ:

“Սուրիոյ մէջ ֆրանսացի զինուորներու ձերբակալումը ինչպէ՞ս կրնայ փոխել ուժերու հաւասարակշռութիւնը”, հարց կուտայ Սպուտնիքի թղթակիցը։
Մինչ այդ հաղորդուեցաւ որ Մայիսի 17-ին խումբ մը ֆրանսացի զինուորներ հաւանաբար երբ ուղղուած էին դէպի Սուրիոյ Հասաքէ գաւառի Գամիշլի քաղաքը՝ ձերբակալուած էին, ըստ էութեան Sputnik-ին տուած հարցազրույցին կը բացատրէ Սուրիոյ ճգնաժամի կառավարման եւ պատերազմներու կանխարգելման կեդրոնի փորձագէտ Աքրամ Ալ-Շալլին՝ թէ Սուրիոյ զինուած ուժերը ներկայիս տարբեր օտարերկրեայ պետութիւններու շատ մը սպաներ կալանաւորած են:
“Սուրիական բանակը ձերբակալած է բազմաթիւ սպաներ՝ որոնք ԱՄՆ-ի, Մեծ Բրիտանիոյ, արաբական երկիրներու, Իսրայէլի յետախուզական ծառայութիւններուն կը ծառայէին։ Օրինակի համար, այնտեղ կան տարբեր դասի 300 ֆրանսացի զինուորականներ”, այդպէս կը հաստատէ Պարոն Շալլին։
Վերլուծաբան Աքրամ ալ Շալիին կ՛ակնարկէ ճնշումներուն՝ որոնց կ՛ենթարկուի Սուրիոյ կառավարութիւնը, որպէսզի ազատ արձակէ ձերբակալուած օտարերկրացի զինուորները:
“Բայց այդ երազանքները դատապարտուած են ձախողման՝ քանի որ հիմա կառավարական ուժերն ու իրենց դաշնակիցները կը գտնուին զօրեղ դիրքերու վրայ”, կ՛ընդգծէ Աքրամ Շալլին, աւելցնելով որ Սուրիոյ դէմ վերջին հրթիռային յարձակումը՝ զգալի վնաս չէ պատճառած, քանի որ «յարձակուողները նախօրոք նշած էին, թէ ո՞ր դիրքերը պիտի հարուածուէին»։ “Արեւմուտքի ղեկավարները այդպէս վարուած էին՝ որպէսզի չկորսնցնէին իրենց հեղինակութիւնը սեփական ժողովրդին առջեւ”:
Իսկ օտարերկրացի զինուորներու ձերբակալման իրողութեան մէջ՝ Աքրամ Շալլին Սուրիոյ կառավարութեան համար կրկնակի օգուտ կը տեսնէ․ նախ, որ անոնք չեն կրնար իրականացնել իրենց առաքելութիւնը, երկրորդ` արտաքին ուժերուն հետ բանակցային սեղանին վրայ կ՛ունենան լրացուցիչ ներոյժ:
“Սուրիոյ խաղաղութեան կարգավորումը՝ ուղղակիօրէն կախուած է ռազմի դաշտի իրավիճակէն: Իրողութեան մէջ նախայարձակները անընդհատ կը զիջին՝ եւ չեն կրնար որեւէ բիրտ հարուած հասցնել բանակի դիրքերուն վրայ։ Այսպիսով, Սուրիական իշխանութիւնները՝ կրնան հաստատել իրենց պայմանները”, կ՛եզրակացնէ Պարոն Շալլին։
Անցեալ շաբաթ թրքական Anadolu լրատուական գործակալութիւնը յայտարարած էր, որ Սուրիոյ կառավարական զօրքերը ձերբակալած են տասնեակ ֆրանսացի զինուորներ՝ Սուրիոյ Հասակէ նահանգին մէջ գտնուող մէկ անցակէտի վրայ: Զինուորականները Գամիշլիէն անցնելով՝ կ՛ուզէին հասնիլ Դեյր-Զօր, եւ ըստ գործակալութեան՝ սխալմամբ յայտնուած էին Սուրիական հսկիչ անցակէտին:
Զինուորականները ձերբակալուելով՝ հարցաքննութեան ենթարկուած էին, Սուրիացի քիւրդերը եկած էին այնտեղ եւ հաստատած, որ ֆրանսացիները կը սատարեն իրենց: Ատոր համար ալ շարասիւնը ազատ արձակուած էր՝ շարունակելու համար իր ընթացքը դէպի Գամիշլի, ըստ Անադոլու գործակալութեան։

presstv.com

Input your search keywords and press Enter.