Վերադառնանք Մարսէյլի մէջ Կարօ Փայլանի հետ հանդիպման

ԿԱՐԻՆ — Քրդամէտ HDP թրքական կուսակցութեան անդամ Կարօ Փայլանը ընտրական արշաւի կէսին որոշած էր կարճ այցելութիւն տալ Մարսէյլ՝ մասնակցելու համար Ֆրանսայի հարաւային կողմի Docks des Sud-ի Հայերու Կազմակերպութիւնները Համադրող Խորհուրդի (CCAF-Sud) եւ այլոց կողմէ կազմակերպուած հանդիպման:

2018 թուականին, քրդամէտ Ժողովրդական դեմոկրատական կուսակցութեան ներկայացուցիչ Կարօ Փայլանը Հայոց ցեղասպանութեան զոհերու Ապրիլի 24-ի յիշատակի օրէն քանի մը օր առաջ՝ Թիւրքիոյ Ազգային մեծ ժողովին օրինագիծ ներկայացուց, իր խօսքով՝ «Հայկական ցեղասպանութեան ճանաչման» վերաբերեալ, «Հանրային վայրերու անուանումներէն՝ վերացումը ցեղասպանողներու անուններուն», եւ «Թիւրքիոյ քաղաքացիութեան մասին օրէնքին մէջ փոփոխութիւն մտցնելու մասին»:
Անցած Մայիսի 14-ին՝ Կարօ Փայլանի խորհրդարան ներկայացուցած օրինագիծը մերժուեցաւ այդ նոյն Ժողովին կողմէ:
Հանդիպման ժամանակ իր ելոյթով՝ Կարօ Փայլանը անդրադարձաւ այս օրինագծին, սակայն պարզ է, որ ան շատ դժուարութիւններ ունէր համոզելու համար այն Հայերը՝ որոնք Հայաստանի Հանրապետութենէն գալով նոր սփիւռք մը ձեւաւորած են, որոնց համար եւս նախատեսուած էր Թիւրքիոյ քաղաքացիական իրաւունքի այս փոփոխութիւնը։ Մի գուցէ Կարօ Փայլանն այս ձեւով գտած ըլլայ Հայաստանի Հանրապետութեան ժողովրդագրական խնդիրներուն «լուծումը»:
Արեւմտեան Հայաստանէն արտագաղթած հայերը՝ հին սերունդները, այդքան ալ լաւ չեն հասկնար, թէ ինչպէ՞ս պիտի ընդունին Թիւրքիոյ քաղաքացիութիւնը՝ երբ իրենց ծնողները ցեղասպանութեան ենթարկուած են ի թիւս այլ բաներու, եւ չեն ուզեր այդ քաղաքացիութիւնը՝ քանի որ կը ձգտին իրենց ինքնիշխանութեանն ու անկախութեան Արմենակ Աբրահամեան):

Յիշեցնենք, որ 1917 թուականի Դեկտեմբեր 29-ին՝ ԽՍՀՄ-ի Ազգութիւններու Խորհուրդը հռչակեց Թիւրքիոյ հայերու (Արեւմտեան Հայաստանի) ինքնորոշման իրաւունքը, նոյնիսկ անկախութեան հասնելու իրաւունքը, եւ որ 1920 թ.-ի Յունուար 19-էն՝ Արեւմտեան Հայաստանը Փարիզի Խորհրդաժողովով դէ ֆակտո ճանչցուած անկախ Պետութիւն է, եւ 1920 թ․-ի Մայիս 11-էն՝ ան դէ յուրէ ճանչցուած Պետութիւն է, ընդունուած Սան Ռէմոյի Խորհրդաժողովի Դաշնակիցներու Գերագոյն Խորհուրդին կողմէ, որուն սահմանը Թիւրքիոյ հետ՝ նիւթ դարձաւ ԱՄՆ-ի նախագահ Վուդրո Ուիլսոնի հաշտարար վճիռին, որ կայացաւ 1920 թ․-ի Նոյեմբեր 22-ին, ըստ որուն Արեւմտեան Հայաստանի մաս կը կազմէին Բիթլիսի, Վանի, Էրզրումի եւ Տրապիզոնի նահանգները, սակայն ան ՄԱԿ-ի կողմէ ճանչցուած չէ, քանի որ գրաւուած է Թիւրքիոյ կողմէ։
Յիշեցնենք, որ 1894-1923 թուականներուն՝ Արեւմտեան Հայաստանի գրաւուած տարածքներուն վրայ, հայ բնիկ բնակչութիւնը ենթարկուեր է ցեղասպանութեան, ինչը կատարուած է երեք թրքական հերթական կառավարութիւններուն կողմէ:

Կարին (Էրզրում) քաղաքը՝ պաշտօնական մայրաքաղաքն է Արեւմտեան Հայաստանի, զոր ճանչցած են Դաշնակից ուժերը 1920 թուականին։
Սեւրի Պայմանագիրի 93-րդ յօդուածի հիմքով՝ փոքրամասնութիւններու իրաւունքները լիարժէքօրէն ճանչցուած են Արեւմտեան Հայաստանի Պետութեան կողմէ:

Input your search keywords and press Enter.