Գերմանիան պէտք է վերականգնուի եւ հատուցում ընել

ԿԱՐԻՆ — Գերմանիոյ կայսր Վիլհելմ II-ի մեծ թոռը վերադառնալով կը ծնրադրէ՝ եւ հայ ժողովրդէն ներողութիւն կը խնդրէ:

Արարողութեան մը ընթացքին, որ հեռարձակուած է God media-ի կողմէ (քրիստոնէութեան նուիրուած կայք եւ հեռուստատեսութիւն), Գերմանիոյ կայսր Վիլհելմ II- ի մահուան տարելիցի նախօրէին` մահացած 1941 թ․-ի Յունիս 4-ին, Կայսրի մեծ թոռը՝ Պրուսիոյ թագաւոր Ֆիլիպ Քիրիլն ու անոր ընտանիքը, մեծ սրահի մը առջեւ ծունկի իջած՝ հայ ժողովուրդէն ներողութիւն կը խնդրեն գերմանական կայսրութեան համագործակցելուն համար, որովհետեւ 1894-1923 թթ.-ուն թոյլ տուաւ թրքական երեք իրարայաջորդ կառավարութիւններուն՝ Արեւմտեան Հայաստանի մէջ իրականացնելու հայերու դէմ ցեղասպանութիւնը։

Մենք փորձեցինք հասկնալ Բեռլինի բողոքական եկեղեցիին մէջ այս լաւ կազմակերպուած գործին ետեւը եղած պատճառները:
Կիրակի երեկոյեան Բեռլինի Կայսր Վիլհելմի անուան յուշահամալիրի եկեղեցիին մէջ կազմակերպուած էր ծիսակատարութիւն մը՝ յարգանքի տուրք մատուցելու համար հայ ժողովրդի դէմ կատարուած ցեղասպանութեան զոհերուն: Ծիսական արարողութիւնը կատարուած է հայ ուղղափառ եկեղեցւոյ արքեպիսկոպոս Գարէգին Բէքջեանի կողմէ, ներկայութեամբ գերմանական վերջին կայսր Վիլհելմ II-ի ծոռ՝ Պրուսիոյ իշխան, հոգեւոր հովիվ Ֆիլիպ Կիրիլի, նաեւ Բեռլինցի ու Բանդենբուրգցի քանի մը հարիւր քրիստոնեաներու:

«Մարտի 24-ին պատահած ինքնաթիռի վթարէն ի վեր՝ մենք սարսափած ենք տեսնելով, թէ ինչի ատակ է մարդը՝ երբ անոր սրտի խորքին չկայ Յիսուս Քրիստոսի սէրը”, յայտարարած է հովիւն իր քարոզով: Այն մարդը, որ թոյլ չի տար որպէսզի Աստուծոյ ձեռքը օգնէ իրեն՝ ան ի վիճակի է ամենավատ բաները ընելու, «ըլլայ ան օդաչու, բուժքոյր, քաղաքացիական ծառայող կամ կանցլեր»:

1894-էն 1923 թուականներուն՝ 2 միլիոն Հայեր սպաննուած են Արեւմտեան Հայաստանի մէջ, որ այդ միջոցին Օսմանեան Կայսրութեան մաս կը կազմէր։ Պատմաբանները կը խօսին «20-րդ դարու առաջին ցեղասպանութեան մասին»: Գերմանական կայսրութիւնը Առաջին համաշխարհային պատերազմի ժամանակ Օսմանեան կայսրութեան դաշնակիցն էր։ Գերմանացի գեներալները ներգրաւուած էին գործողութիւններ ծրագրաւորելու եւ իրականացնելու մեջ:

Ծիսական արարողութենէն յետոյ՝ գերմանական վերջին կայսրի ժառանգն ըսաւ.

-Որպէս Վիլհելմ II-ի ժառանգորդ՝ ես ինքս կը բացայայտեմ անոր մեղադրելի գործերն ու բացթողումները, եւ կը հայցեմ Աստուծմէ եւ հայ քրիստոնեայ համայնքէն, եւ Արքեպիսկոպոս Գարեգինէն ձեր ժողովուրդի անունով՝ որպէսզի ներէք մեզ, Վիլհելմ Երկրորդի բազմակի յանցագործութիւններուն համար՝ կատարուած հայ ժողովուրդի դէմ սարսափելի եւ վայրագ ցեղասպանութեան ժամանակ։
Մեղայական աղօթքով՝ ան ըսած է․
-Որպես գերմանացիներ՝ մենք կը խոստովանինք ձեր առջեւ, Աստուած, եւ մեր հայ եղբայրներ ու քոյրեր՝ այն սխալը, որ մեր նախնիները ձեզի ըրին։ Այդ անիրաւութիւնը պատմության մէկ մասն է՝ որմէ մենք չենք կրնար եւ չենք ուզեր պարզապէս հեռանալ”։
Նախագահ Արմենակ Աբրահամեանը արձագանքեց ներման այս խնդրանքին․-
“Հայերը բաւարար չափով կը գիտակցին եւ հեռատես են՝ լսելու եւ հասկնալու համար Պրուսիոյ իշխան Ֆիլիպ Կիրիլի խնդրանքը:
Սակայն Գերմանիոյ կայսր Վիլհելմ II-ի ծոռը իր հերթին պետք է հասկնայ, որ հայերը պարզապէս կը ցանկան շարունակել գոյատեւել, եւ ապրիլ որպես Հայեր՝ իրենց նախնիներու հայրենիքի տարածքին:

Ատոր համար կայ միայն մէկ ճանապարհ՝ ինչը Արեւմտեան Հայաստանի հայերուն համար կեանքի եւ մահուան հարց է, ինչը հայ ժողովուրդի բոլոր իրաւունքներուն եւ իրենց ամբողջ ունեցուածքին վերականգնումն է: (Ա․Ա․)

Input your search keywords and press Enter.