Ամերիկեան միջազգային միասնական ճակատը հարուածներ հասցուցած է Հասաքէին

ԿԱՐԻՆ — Սուրիացի 12 քաղաքացիական անձներ սպաննուած են եւ հինգ ուրիշներ վիրաւորուած են Ամերիկեան միասնական ճակատի հասցուցած օդային հարուածներէն՝ Հասաքէի նահանգին դէմ։

Ամերիկացիներու կողմէ ղեկավարուող Միջազգային Ճակատի ռազմական օդանաւները Երեքշաբթի 12 Յունիսին ռմբակոծած են Հասաքէի հարաւ-արեւելքին գտնուող գիւղ մը, սպաննելով Սուրիացի 12 քաղաքացիական անձեր եւ վիրաւորելով հինգ ուրիշներ, կը տեղեկացնէ Սուրիոյ պաշտօնական SANA գործակալութիւնը: Այլ աղբիւրներու հաղորդմամբ՝ կան վեց զոհեր եւ հինգ վիրաւոր քաղաքացիներ:

Կիրակի օրը Յունիսի 10-ին, Ամերիկեան միասնական ճակատը մէկ այլ կոտորած ալ ըրած է Հասաքէյի հարաւային արուարձանին մէջ: 15 կանայք եւ երեխաներ կորսնցուցած են իրենց կեանքը։
Այդ ընթացքին Սուրիոյ Արտաքին Գործոց Նախարարը յայտարարեց, որ Ամերիկեան ճակատը յարձակած է Դէյր-Զօրի, Ռաքքայի եւ Հասաքէյի բնակիչներուն վրայ, քանի որ հրաժարած են միանալու ԱՄՆ-ի աջակցութիւնը վայելող «անջատողական զինեալներուն»:

Միացեալ Նահանգներն ու շարք մը դաշնակիցներ 2014 թուականին ստեղծեցին միասնական ռազմական ճակատ մը՝ Սուրիոյ եւ Իրաքի մէջ Դաէշի դէմ պայքարելու առաքելութեամբ, մինչդեռ պաշտօնական զեկոյցները ցոյց կուտան, որ Ամերիկացիներն ու իրենց արաբական եւ արեւմտեան դաշնակիցներն են՝ ովքեր կանգնած են Դաէշ ահաբեկչական խմբաւորման ստեղծման ետին, ինչպէս կը վկայէ այն փաստը, որ անոնք կը ֆինանսաւորեն եւ կը զինեն այդ ահաբեկչական խումբը:

presstv.com

Input your search keywords and press Enter.