Հրանդ Դինքի սպաննութեան գործով երկու ամբաստանեալ ազատ արձակուած է դատարանի որոշմամբ

Կոնստանդնուպոլսոյ առանձնակի ծանր յանցագործութիւններու թիւ 14 դատարանն ազատ արձակման որոշում կայացուցած է Պոլսահայ լրագրող եւ մտաւորական, Կոնստանդնուպոլսոյ մէջ գործող հայկական «Ակօս» թերթի հիմնադիր ու նախկին խմբագիր Հրանդ Դինքի սպաննութեան գործով կալանքի տակ գտնուող երկու ամբաստանեալի վերաբերեալ։

Ինչպէս կը փոխանցէ «Ակօս»-ը՝ ոստիկանութեան նախկին պաշտօնեաներ Օզքան Մումջուն եւ Յաքուբ Քուրթարանն ազատ արձակուած են՝ երկրէն դուրս չգալու ստորագրութեան դիմաց, եւ պարտաւորուած են մասնակցելու այդ գործով յետագայ հարցաքննութիւններուն ու դատական նիստերուն։

Յայտնի է, որ ազատ արձակուած նախկին ոստիկաններէն մէկը Դինքի սպաննութեան ծրագրման ու իրագործման շրջանին աշխատած է Թիւրքիոյ Սամսունի ոստիկանութեան գլխաւոր կեդրոնին մէջ, միւսը՝ Տրապիզոնի ոստիկանութեան հետախուզական բաժնին մէջ։

Դինքի սպաննութեան գործով մեղադրեալներու թիւը 85 է։

Յիշեցնենք, որ Հրանդ Դինքը սպաննուած է 2007 թուականի Յունվար 19-ին խմբագրութեան առջեւ, Արեւմտեան Հայաստանի անկախութեան օրը:

Input your search keywords and press Enter.