Արցախի մէջ կը ստեղծուի ֆուտբոլի մասնագիտական առաջնութիւն

Արցախի մէջ կը ստեղծուի ֆուտբոլի մասնագիտական առաջնութիւն, որու մեկնարկային հանդիպումը կը կայանայ Յուլիսի 14-ին:

Ասոր մասին յայտնեցին առաջնութեան կազմակերպիչներ` Երևանի «Արցախ» ֆուտբոլային ակումբի ղեկավար Սեւան Ասլանեանը եւ Երեւանի «Արարատ» ֆուտբոլային ակումբի նախագահ, Արեւմտեան Հայաստանի Ազգային հաւաքականի աւագ՝ Հրաչ Յագանը:

Առաջնութեան կը մասնակցին ութ ակումբներ. «Լեռնային Արցախ» եւ «Երազանք» ակումբները կը ներկայացնեն Ստեփանակերտը, իսկ Ասկերան, Մարտունի, Ճարտար, Մարտակերտ, Շուշի քաղաքները եւ Վանք գիւղը կը ներկայանան համանուն ակումբներով: Բոլոր հանդիպումները տեղի պիտի ունենան Ստեփանակերտի եւ Ասկերանի մարզադաշտերուն վրայ։

Առաջնութեան հիմնադիրներէն Հ. Յագանը ըսած է, որ առաջնութիւնը համակարգելու համար պիտի ստեղծուին նաեւ գրասենեակեր՝ որոնցմէ մէկը պիտի գործէ Արցախի մէջ, իսկ միւսը Զուիցերիոյ Ժընեւ քաղաքին մէջ:

«Ժընեւի մէջ կը գտնուի նաեւ ՈւԵՖԱ-ի գրասենեակը, այդ առիթով ալ կը ցանկանք անմիջական կապ հաստատել եւ համագործակցիլ ՈւԵՖԱ-ի հետ: Բացի այդ, կը ցանկանք նաեւ, որ ՈՒԵՖԱ-ն եւս իր աջակցութիւնն ունենայ Արցախի մէջ ֆուտբոլը զարգացնելու գործին»,- ընդգծած է Հ. Յագանը:

Input your search keywords and press Enter.