2018 թ․-ի Յունիս 24-ը Սեւրի Դաշնագիրի վաւերացման երկրորդ տարին է, եւ Թիւրքիոյ մէջ խորհրդարանական ընտրութիւններու օրն է

ԱՐԵՒՄՏԵԱՆ ՀԱՅԱՍՏԱՆ — 2016 թ․-ի Մայիս 9-ին Արեւմտեան Հայաստանի խորհրդարանի նախագահութեան կողմէ Սեւրի Դաշնագիրի վաւերացումը թուլատրող օրինագիծ ներկայացուեցաւ։

Այս օրինագիծը քանի մը անգամ փոփոխուած է, եւ սա երրորդ տարբերակն է, որ ընդունուած է Արեւմտեան Հայաստանի խորհրդարանի անդամներուն, եւ Արեւմտեան Հայաստանի Հանրապետութեան Նախագահութեան Իրաւաբանական Խորհուրդի անդամներուն կողմէ՝ 2016 թ․-ի Յունիս 24-ի նիստին, որն աւարտուած է Երեւանի ժամանակով ժամը 23։30-ին։

Ներկայացուած օրինագիծը պաշտպանած է Արեւմտեան Հայաստանի Հանրապետութեան Արտաքին Գործոց Նախարար Գառինկ Սարգիսեանը՝ նախկին վարչապետ Տիգրան Փաշաբեզեանի հովանիին տակ, որու կառավարութիւնը Եւրոպայէն դուրս գտնուելով հանդերձ՝ համարեայ միաձայն — մէկ քուէ հանած, — ընդունած է 1919 թուականի Օգոստոս 10-ին կնքուած Սեւրի Դաշնագիրն ու անոր լրացուցիչ պայմանագիրները եւ վաւերացուցած է զանոնք:
2016 թ․-ի Յունիս 24-ը որպէս Արեւմտեան Հայաստանի Նախագահ Պարոն Արմենակ Աբրահամեանի կողմէ Սեւրի Դաշնագիրի վաւերացման օր՝ պատմական պիտի համարուի։
Որդեգրուած օրինագիծը բաղկացած է երկու յօդուածներէ․

Յօդուած Առաջին․- Հանրապետութեան Նախագահը լիազօրուած է վաւերացնելու Խաղաղութեան Դաշնագիրը՝ որ ստորագրուած է Սեւրի մէջ 1920 թ․-ի Օգոստոսի 10-ին, եւ ստորեւ նշուած անոր կից յաւելեալ Պայմանագիրները, որոնք ստորագրուած են միեւնոյն օրը․

— Դաշնագիր Հայաստանի եւ Դաշնակից Մեծ Տէրութիւններուն միջեւ, որոնցմով այդ Տէրութիւններուն կողմէ կ՛ընդունուին անհրաժեշտ համարուող որոշումներ՝ ի պաշտպանութիւն տուեալ Պետութեան այն բնակիչներուն, որոնք այնտեղ մեծամասնութիւն չեն կազմեր՝ ունենալով ծագումնային, լեզուական կամ կրօնական տարբերութիւն:

• Լրացուցիչ Արձանագրութիւն՝ դիւանագիտական ծառայութիւններ իրականացնելու համար Պայմանագիրը ստորագրած Պետութիւններու տարածքներուն վրայ:
• Դաշնագիր Գլխաւոր Դաշնակից Տէրութիւններուն հետ՝ սահմանելու համար այն դրոյթները, որոնք անհարժեշտ կը համարուին այդ Մեծ Տէրութիւններուն համար ապահովելու ազատութիւնը տարանցման, եւ համարժէք վերաբերմունքը այլ ազգերու հետ առեւտուր կատարելու:

Յօդուած Երկրորդ — Արեւմտեան Հայաստանի Հանրապետութեան (Հայաստան պետութիւն) Նախագահը լիազօրուած է հետապնդելու ԱՄՆ-ի Նախագահ Վուդրո Ուիլսոնի 1920 թուականի Նոյեմբեր 22-ին ստորագրած Իրաւարար Վճիռի իրականացման գործընթացը:

Սա միջազգային առանձնայատուկ հնչեղութեան եղելութիւն է, քանի որ Սեւրի Դաշնագիրը վաւերացուած է Արեւմտեան Հայաստանի Հանրապետութան կողմէ:
Նոյն օրը՝ վաւերացումէն քանի մը ժամ առաջ, հանրաքուէի միջոցով Մեծ Բրիտանիան դուրս եկաւ Եւրո-Միութենէն, 51,9 % ձայն կողմ քուէարկութեամբ:
Նոյն օրը՝ Հռոմի Պապ Ֆրանցիսկոն այցելեց Երեւան, եւ իր ելոյթին մէջ դատապարտեց ցեղասպանութիւնը, որ տեղի ունեցած է հայ ժողովուրդին դէմ:
Եւրո-Միութենէն Մեծ Բրիտանիոյ դուրս գալը ճգնաժամային ցուցանիշ է՝ ինչը կ՛առնչուի Սուրիոյ պատերազմի, փախստականներու ճգնաժամի եւ Մերձաւոր Արեւելքի ճակատագիրին հետ, որ լեցուն է անտարբերութեամբ՝ ընդ որում, նաեւ Արեւմտեան Հայաստանի նկատմամբ:
Նախագահ Ռէջէպ Թայիպ Էրդողանն իր ուժերու գագաթնակետին՝ 2016 թ. Յուլիսի թրքական բանակի ձախողած յեղաշրջումէն եւ 2017-ի սահմանադրական հանրաքուէյէն յետոյ, կտրականօրէն որոշած է անցընել արտահերթ ընտրութիւններ: Յունիսի 24-ն է ընտրուած Թիւրքիոյ մէջ նոր խորհրդարանական ընտրութիւններու թուականը՝ ինչը պատահականութեան արդիւնք չէ:

Այս օրը, Նախագահ Ռէջէպ Թայիպ Էրդողանը կը կարծէ, որ ինքը կրնայ անմիջական յարձակման միջոցով քաղաքականապէս փոխել Թիւրքիոյ իրադրութիւնը արհեստական ապակայունացման` խուսափելու համար միջազգային իրաւունքի կիրառումէն, որուն հետեւանքով խաւաքարդեայ դղեակը պարզապէս պիտի փլի:

Input your search keywords and press Enter.