Մարսէյի մԷջ կատարուեցաւ Սողոմոն Թեհլիրեանի յուշակոթողի բացումը

Ֆրանսայի հարաւային շրջանի CCAF-ի (Ֆրանսայի հայկականկազմակերպութիւններու համակարգող խորհուրդ) եւ Մարսէյի 6-րդ եւ 8-րդ շրջաններու քաղաքապետարանին նախաձեռնութեամբ՝ 23 յունիսին, Մարսէյի Սողոմոն Թեհլիրեանի անունը կրող հրապարակին վրայ բացումը կատարուեցաւ Թեհլիրեանի յուշակոթողին, որուն հեղինակը Թաւիթ Եուզանն է:

Ձեռնարկին ներկայ էին Մարսէյի մօտ Հայաստանի հիւպատոս Ռուբէն Խարազեան, 4րդ եւ 5րդ շրջանի քաղաքապետ Մարին Փուսթոլինօ, Շրջանային խորհուրդի նախագահի ներկայացուցիչ տիկին Քամփանելլա, քաղաքապետական խորհուրդի անդամներ, հայկական համայնքի ներկայացուցիչներ եւ ուրիշներ:

Բացման եւ ողջոյնի խօսքով հանդէս եկաւ շրջանի քաղաքպետ Իվ Մորեն, որմէ ետք ելոյթ ունեցաւ CCAF-ի հարաւային շրջանի երիտասարդ նախագահ Օռելի Փրիւնա: Վերջինս իր խօսքին մէջ անդրադարձաւ Հայոց Ցեղասպանութեան, Պերլինի դատարանի Յունիս 1921ի Սողոմոն Թեհլիրեանը անմեղ յայտարարող վճիռին մասին։ Իր խօսքի աւարտին բանախօսը անդրադարձաւ նաեւ այն երկիրներուն, որոնք ճանչցած են Հայոց Ցեղասպանութիւնը:
Ելոյթ ունեցաւ քաղաքապետ Իվ Մորեն, որ նոյնպէս խօսեցաւ Պերլինի դատարանի վճիռին մասին՝ շեշտելով, որ անիկա իրաւական հիմքեր ստեղծեց Լեմքինի կողմէ «ցեղասպանութիւն» եզրի յառաջացման եւ Նիւրնպերկի դատավարութեան համար: Քաղաքապետը անդրադարձաւ նաեւ Թուրքիոյ այսօրուան իրավիճակին՝ նշելով, որ եթէ մարդիկ անցեալը մոռնան, ապա պատմութիւնը, ինքնաբերաբար, պիտի կրկնուի:

Input your search keywords and press Enter.