Ուրուգուէյն ու Հայերու դէմ կատարուած ցեղասպանութիւնը

ԱՐԵՒՄՏԵԱՆ ՀԱՅԱՍՏԱՆ — 1965 թ․-ի Ապրիլ 20-ին Ուրուգուէյը պաշտօնապէս յարգանքի տուրք մատուցեց հայ զոհերուն` 1915 թ.-ին հայ ժողովուրդի դէմ կատարուած կոտորածը ճանչնալով 13.326 օրէնքի ընդունմամբ:

Այս քայլով, Ուրուգուէյը կրնայ հպարտ ըլլալ, որ արդարութեան ոգին ունենալով նպաստած է հայ ժողովուրդի վերածնութեան, եւ այդպիսով օգնած է անոր դուրս գալու մոռացութեան եւ ժխտողականութեան խաւարէն:

Ուրուգուէյը ճանապարհ բացաւ, որով աւելի ուշ այլ մեծ երկիրներ ալ ճանչցան այդ ողբերգութիւնը, մարդկութեան դէմ այդ յանցագործութիւնը․․․

Հարիւրամեակի յիշատակը կատարուեցաւ Հռովմի Պապ Սրբազան Հայր Ֆրենսիսի յատուկ արարողութեան կարգով, ուր ան յայտարարեց. «Մեր մարդկութիւնը անցեալ դարուն վկայ դարձաւ չտեսնուած երեք մեծ ողբերգութիւններու. առաջինը ընդհանուր առմամբ համարուեցաւ “քսաներորդ դարու առաջին ցեղասպանութիւնը”, այն հարուածեց ձեր հայ ժողովրդին` առաջին քրիստոնեայ ազգին, նաեւ կաթոլիկ եւ ուղղափառ սուրիանիներուն, ասորիներուն, քաղդէացիներուն եւ յոյներուն»:

21-րդ դարուն անոր պաշտօնական ճանաչումներուն մէջ՝ օրինակ Ֆրանսայի կամ Գերմանիոյ կողմէ, բացայայտօրէն կ՛օգտագործուի «ցեղասպանութիւն» բառը:

Հակառակ որ աւելի քան յիսուն տարի անցած է, Արեւմտեան Հայաստանը այժմ ունի պարտաւորութիւն եւ հանդիսաւոր ցանկութիւն՝ տեսնելու Ուրուգուէյի թիւ 13.326 օրէնքի ձեւակերպման փոփոխութիւնը, որովհետեւ Արեւմտեան Հայաստանի մէջ 1894-էն 1923 թթ.-ուն իրարայաջորդ թրքական կառավարութիւններուն կողմէ կատարուած կոտորածներն ու տեղահանութեան ալիքները՝ ունեցած են ցեղասպանական բնոյթ:

Input your search keywords and press Enter.