ԱՐԵՒՄՏԵԱՆ ՀԱՅԱՍՏԱՆԻ ՀԱՅԵՐՈՒ ՀԱՄԱԳՈՒՄԱՐ: Կէտ 4 — Ուսումնասիրութիւն եւ կարծիք՝ Ազատ, նախնական տեղեկացուածութեան եւ համաձայնութեան վերաբերեալ

Շնորհակալութիւն Պարոն Նախագահ,

Տիկին Նախագահ, քանի որ սա առաջին անգամն է որ խօսք կ՛առնեմ, թոյլ տուէք ինծի՝ ձեզ շնորհաւորելու ձեր նշանակման առիթով:

Արեւմտեան Հայաստանի մեր պատուիրակութիւնը կը փափաքի, ինչպէս աւանդաբար, շնորհակալութիւն յայտնել ՄԵԴՊԱ-ի իշխանութիւններուն, որ ընդունեցին մեր մասնակցութեան հաւատարմագրումը: Մենք տեղեակ ենք ԵՀՄԻԳ նիստերու կարեւորութիւնը Բնիկ Ժողովուրդներու իրաւունքներու պաշտպանութեան վերաբերեալ:

2004 թ.-ի Դեկտեմբեր 17-ին, միջազգային իրաւունքի նախօրոք ընդունուած գործուն որոշումներուն, պայմանագիրներուն եւ իրաւարար վճիռին հիման վրայ՝ Արեւմտեան Հայաստանի հայ ժողովուրդը եւ անոր Ազգային Խորհուրդը լիարժէք ինքնիշխանութիւն յայտարարեցին Արեւմտեան Հայաստանի տարածքին նկատմամբ:

Հայերը, բնիկները՝ որոնք ցեղասպանութենէն փրկուած են, ցանկացան ինքնորոշման իրենց իրաւունքները պաշտպանել, իրենց միջազգայնօրէն ճանչցուած իրաւունքները կիրառելու եւ առաջին հերթին իրենց իրաւունքները՝ որոշելու այն պայմանները, որոնց հիմքով կը կատարուի իրենց նախնիներու հողերու բնական պաշարներու շահագործումը, եւ թէ ինչպէս կը կիրառուի իրենց ինքնիշխանութիւնը:

Այդ իրաuունքները սակայն, 1920 թ.-ի Յունիս 25-ին յանձնուած յուշագիրի մէկ մասը կը կազմեն Դաշնակիցներու Գերագոյն Խորհուրդին, նախքան Սեւրի մէջ ստորագրուած Խաղաղութեան Դաշնագիրի ստորագրումը, դէ յուրէ ճանչնալով հայկական Պետութիւնը Արեւմտեան Հայաստանի տարածքին: Այս բոլոր իրաւական փաստաթուղթերը ներկայիս կը գտնուին Միացեալ Ազգերու Կազմակերպութիւն պահպանութեան տակ:

Այնուամենայնիւ, այն պարագային որ ժողովուրդները ազատ են որոշելու իրենց ապագան՝ հայ ժողովուրդը եւ այլ բնիկ ժողովուրդները տրամաբանականօրէն պէտք է մասնակց դառնան իրենց նախնիներու հողերուն վերաբերեալ որոշում կայացնելուն: Հռչակագիրը կը ճանչնայ բնիկ ժողովուրդներու ազատ, նախնական եւ տեղեկացուած համաձայնութեան (FPIC) իրաւունքը: Յօդուած 32(2)-ն յատկապէս կարեւոր է այս իմաստով:

Այդ իսկ պատճառով Թիւրքիան պարտաւորութիւն ունի ոչ միայն բարոյեական՝ այլեւ իրաւական, եւ ան լաւ կը գիտակցի այն, որ պէտք է համագործակի Արեւմտեան Հայաստանի Ազգային Խորհուրդին հետ համատեղ կամ նոյնիսկ աստիճանաբար, կիրառման մէջ դնելու համար Արեւմտեան Հայաստանի հայ ժողովուրդի իրաւունքները:

Շահագործումը մարդկային, բնական եւ գենետիկ պաշարներու, էներգետիկ տարանցումներու, իւրացումը ազգային, մտաւոր եւ մշակութային արժէքներու, մէկ խօսքով՝ ամէն ինչ, որ կը համապատասխանէ բնիկ ժողովուրդի եւ անոր քաղաքակրթութեան գոյութեան՝ երբէք չէ եղած ազատ համաձայնութեան առարկայ նախօրոք, եւ տեղեկացուած այդ ազգին: Հետեւաբար ժամանակն է, եւ ինչու չէ ՄԱԿ-ի շրջանակներուն մէջ ներկայացնելու եւ պաշտպանելու այս ամբողջ թղթապանակը՝ եւ մենք կը մնանք ձեր տրամադրութեան տակ:

Շնորհակալութիւն,Պարոն Նախագահ (3 վայրկեան)

Արմենակ ԱԲՐԱՀԱՄԵԱՆ
Արեւմտեան Հայաստանի Ազգային Խորհուրդի Նախագահ
haybachdban@wanadoo.fr

Input your search keywords and press Enter.