ԱՐԵՒՄՏԵԱՆ ՀԱՅԱՍՏԱՆԻ ՀԱՅԵՐՈՒ ՀԱՄԱԳՈՒՄԱՐ: Կէտ 3 — Գործունէութիւն՝ երկիրներէ ներս

Շնորհակալութիւն Տիկին Նախագահ,

Թրքական բռնագրաւման ներքոյ՝ երկրի հայերը կ՛ապրին թաքնուած եւ չեն շտապեր օգտուելու խիղճի եւ խօսքի ազատութենէն: Անոնք զգոյշ են՝ եւ ոչ ի զուր:

Բազմաթիւ են այն հայերը՝ որոնք թաքնուած են թրքական անուններու տակ, եւ դարձած են մահմետական: Բայց անոնք մնացած են Արեւմտեան Հայաստանի մէջ, ուր ապրեր են իրենց նախնիները:
Վերջին տարիներուն ամէն ինչ սկսեցաւ փոխուիլ.- թրքական հասարակութեան մէջ հնչեցին պաշտօնական պատմական կաղապարները չխանգարող ձայներ՝ որովհետեւ բոլոր անոնք, ովքեր գոռացին «Մենք բոլորս հայ ենք՝ պարտադիր չէ որ բոլորը հայեր ըլլան»:
Այդ իրադարձութիւնները շրջադարձային եղան: Թիւրքերու վերաբերմունքը հայերու հանդէպ փոխուած է՝ ինչպէս հայերու վերաբերմունքը թիւրքերու նկատմամբ: Այս ամէնը օգնեց երկխօսութեան համար կամուրջներ կառուցելու, եթէ ո՛չ պաշտօնական՝ ապա առնուազն հանրային:
Թիւրքիոյ եւ Արեւմտեան Հայաստանի բնակիչ մարդիկ՝ զիրար աւելի յարգելու մօտեցումներ գտած են, սակայն թրքական իշխանութիւնները կը շարունակեն իրենց խտրականութիւնն ու արիւն թափելը: Երեկ հայերու սպաննութիւնը, այսօր քիւրդերունը, անոնք կը ցանկան ցոյց տալ, որ իրենք կարողութիւնն ունին երկիր մը միաւորելու ուժով եւ վախով:
Այս պայմաններուն մէջ է, որ բնիկ բնակչութիւնը կ՛ապրի թաքցնուած՝ նոր կոտորածներու տառապանքէն վախնալուն համար, ինչպիսին տեսանք տարուայ սկիզբին՝ Կիլիկիոյ Աֆրինի շրջանին մէջ:
Եւ դադրեցնելու համար ամբողջ արիւնահեղութիւնը՝ անհրաժեշտ է որ ՄԱԿ-ի ամենաբարձր ատեանները ճանչնան բնիկ հայ ժողովուրդի դէմ կատարուած ցեղասպանութիւնը, եւ զայն ճանչնալով՝ վերանային իրենց անբարեխղճութիւնը անոնց անժամանցելի իրաւունքները կիրառելու հարցով: Սյս պահի դրութեամբ միակ ճանապարհը՝ Թիւրքիոյ եւ Արեւմտեան Հայաստանի միջեւ երկխօսութեան վերականգնումն է, ահա այս է երկրի վիճակը:

Շնորհակալութիւն Տիկին Նախագահ

Արմենակ ԱԲՐԱՀԱՄԵԱՆ
Արեւմտեան Հայաստանի Ազգային Խորհուրդի Նախագահ
haybachdban@wanadoo.fr

Input your search keywords and press Enter.