Ռուսական S-400-ի վաճառքը Թիւրքիային՝ «աղետ» է ԱՄՆ-ի համար

ԱՐԵՒՏԵԱՆ ՀԱՅԱՍՏԱՆ — ԱՄՆ-ի Պետքարտուղարի տեղակալ Ռընէ Քլարկ Քուպերը յայտարարած է, որ ռուսական S-400-ի պաշտպանական համակարգերու վաճառքը Թիւրքիային՝ «կործանարար» պիտի ըլայ Ուաշինգտոնի համար, եւ պիտի նշանակէ արգելակումը անոր յարաբերութիւններուն Անկարայի հետ:

Ուաշինգտոնի եւ Անկարայի միջեւ զանազան հարցերու վերաբերեալ կեցուածքի տարբերութիւնները կը շարունակեն աճիլ: ԱՄՆ-ի պետքարտուղարի քաղաքական-ռազմական հարցերով օգնականը զգուշացուցած է Անկարային, որ ռուսական S-400 հակաօդային պաշտպանական համակարգեր իր ձեռքբերելուն դէմ է ԱՄՆ-ը, եւ որ այդ պիտի ազդէ երկու երկիրներու միջեւ յարաբերութիւններուն վրայ, հաղորդած է Ֆարս Նիւզ լրատուական գործակալութիւնը։

«Եթէ Անկարան գնէ S-400, ապա այդ աղետալի կ՛ըլլայ Միացեալ Նահանգներուն համար: Սա կրնայ վատթարացնել ամերիկա-թրքական յարաբերութիւնները», — ըսած է ան:
Վերջերս նշանակուած Պետքարտուղարի քաղաքական-ռազմական հարցերով օգնականը այսպէս նախազգուշացուցած է Սենատի արտաքին յարաբերութիւններու յանձնաժողովին:
«Մենք չենք ուզեր, որ ՆԱՏՕ-ի դաշնակիցը կախուած ըլլայ Ռուսաստանի ծառայութիւններէն եւ սարքաւորումներէն», ան աւելցուց ԱՄՆ-ի օրէնսդիրներուն հետ հանդիպման ժամանակ:
Պարոն Քուպըրի միջամտութիւնը պատահեցաւ Թիւրքիոյ արդարադատութեան նախարար Աբդուլհամիտ Գիւլի եւ ներքին գործոց նախարար Սուլէյման Սոյլուի դէմ ԱՄՆ-ի պատժամիջոցներու ներդրումէն յետոյ, որու պատճառն էր ԱՄՆ-ի քարոզիչ Էնդրիւ Բրենսոնին ձերբակալելն ու Թիւրքիոյ մէջ լրտեսութիւն ընելու մեղադրանքը:

Թրքական դիւանագիտութեան ղեկավարը Չորեքշաբթի օր կոչ յղած է արձագանքելով ԱՄՆ-ի գանձապետական պատժամիջոցներու յայտարարութեան՝ երկու թիւրք նախարարներուն դէմ, այսպէս․ «Երկու նախարարներուն նկատմամբ Ամերիկեան պատժամիջոցները չեն մնար անպատասխան»:
Ռուսական S-400-ի վաճառքը Թիւրքիային՝ դարձած է վիճաբանութեան հարց, որով ԱՄՆ-ի Կոնգրեսը պիտի դադրեցնէ Անկարային F-35-ի վաճառքը:

presstv.com

Input your search keywords and press Enter.