Սուրիա — Ռուսական վերջնագիրը՝ Թիւրքիային

ԿԻԼԻԿԻԱ — Ռուսական «Svobodnaya Pressa» թերթին տուած յօդուածով՝ Սուրիոյ հարցերով փորձագէտ Զաուէր Քարաեւը կեդրոնացած է Սուրիոյ հիւսիսին գործող զինուած խմբաւորումներէն Թիւրքիոյ կողմէ կազմաւորուող բանակին շուրջ:

Մինչ Դամասկոսը իր յատուկ ուժերը կը զօրաշարժէ դէպի Սուրիոյ հիւսիսային սահմանները, ուր ահաբեկիչները կը վերահսկեն որոշ տարածքներ՝ Թիւրքիան կ՛ամրապնդէ իր դիրքերը Իդլիբի մէջ:

Այնուամենայնիւ, թրքական եւ սուրիական երկու կողմերուն միջեւ այս խնդիրը պէտէք է լուծուի՝ քանի ան չէ վերածուած գլխաւոր մարտահրաւէրի: ԶԼՄ-ներու հաղորդումներուն համաձայն՝ Ռուսաստանը ջանքեր գործադրած է, որպէսզի Սուրիոյ հիւսիսային շրջանները մաքրուին ահաբեկիչներու ներկայութենէն:

Ռուսաստանը մէկ ամիս ժամկետ սահմանած է, որ Թիւրքիան Իդլիբէն իր զօրքերը դուրս բերէ: Վերջին ժամկէտը անցած է, Անկարան կրնայ յարձակման թիրախ դառնալ՝ Սուրիական բանակին կողմէ:

Իդլիբ — Թիւրքիան՝ Ռուսաստանի դէմ

Թիւրքիան կը խոչընդոտէ որ խաղաղութիւնը վերջնականապէս հաստատուի Սուրիոյ հիւսիսակողմը, կը գրէ Սուրիական «Ալ-Ուաթան» թերթը:

https://www.presstv.com/DetailFr/2018/08/07/570444/Syrie—agissements-turques-dans-le-Nord

Այս ընթացքին, Անկարան կ՛աշխատի նոյն դրօշակին տակ միաւորել բոլոր ահաբեկչական խումբերը` ներառեալ տասնեակ զինեալներ, դէմ դնելու համար Սուրիական բանակին:
Նաեւ Թիւրք փորձագէտ Քէրէմ Յըլդրըմ-ը տուաւ հետեւեալ մեկնաբանութիւնը. «Ռուսաստանն ու Թիւրքիան պէտք է խուսափին լուրջ տարաձայնութիւններէ, այլապէս Աստանայի բանակցութիւնները կը մնան անպտուղ»:

Ժընեւի գագաթնաժողովին այլընտրանք դարձած այս գագաթնաժողովը՝ որ կորսնցուցած է իր արդիւնաւետութիւնը, առանձնայատուկ նշանակութիւն ունի բոլոր կողմերուն համար:
Սեպտեմբերի 7-ին նախատեսուած Ստամբուլի գագաթնաժողովը՝ Աստանայի հանդիպման շարունակութիւնը պիտի ըլլայ, եւ անոր պիտի մասնակցին Թիւրքիոյ, Ֆրանսայի, Գերմանիոյ եւ Ռուսաստանի ներկայացուցիչները՝ որոնք պիտի քննարկեն տարածաշրջանային խնդիրները, այլեւ Սուրիոյ մէջ տեղի ունեցող հակամարտութիւնները։

presstv.com

Input your search keywords and press Enter.