Արեւմտեան Հայաստանի Հանրապետութեան Կառավարութեան 7 Օգոստոս 2018-ի գործունէութիւնները

Արեւմտեան Հայաստանի Հանրապետութեան Կառավարութեան պատուիրակութիւնը՝ Վարչապետ Գառնիկ Սարգիսեանի գլխավորութեամբ, 7 Օգօստոս 2018-ի առաւօտեան ժամը 11:00-ին այցելեց Հայաստանի Հանրապետութեան Ասորի համայնքին կողմէ կազմակերպուած արարողութեան՝ 1933-ին Միջագետքի մէջ տեղի ունեցած ցեղասպանութեան զոհ դարձած Ասորիներու յիշատակին:

Վարչապետ Գառնիկ Սարգիսեանը Արեւմտեան Հայաստանի Հանրապետութեան անունով խորին ցաւակցութիւն յայտնեց Հայաստանի Հանրապետութեան Ասորի համայնքին եւ անոնց ղեկավարութեան, շեշտելով թէ ցեղասպանութեան զոհերու յիշատակութիւնը հոգեւոր պարտք մըն է, բայց յիշատակութեամբ բաւարարուիլը կը նշանակէ տեղի տալ ցեղասպանութեան ոճիռի տարբեր ձեւերով շարունակողականութեան առջեւ: Ուստի յերդորեց երկու բնիկ ազգերուն միչեւ համագործակցութեան մակարդակը բարձրացնել՝ քաղաքական եւ ժողովրդական բոլոր ձեւերով, մինչեւ երկու եղբայր ժողովուրդներու իրաւունքներու ամբողջական վերականգնումը:

Այս առիթով, Վարչապետ Գառնիկ Սարգիսեանը ընդգծեց նաեւ Քիւրդ ժողովուրդի իրաւունքները վերականգնելու անհրաժեշտութիւնը:

Նոյն օրը՝ 7 Օգոստոս 2018-ի երեկոյեան ժամը 17:00-ին Արեւմտեան Հայաստանի Հանրապետութեան Վարչապետ Գառնիկ Սարգիսեանը մտերիմ այցելութիւն մը կատարեց նաեւ Եռաբլուր՝ ԱՍԱԼԱ-ի նահատակներու յուշահամալիր, իր աջակցութիւնն ու ցաւակցութիւնը յայտնելու Հայ ազգի ազատագրական պայքարի ճամբուն ինկած բոլոր նահատակներուն:

ԱՍԱԼԱ-ի Վետերաններուն հետ ջերմ զրոյցի մը ընթացքին՝ Վարչապետ Գառնիկ Սարգիսեանը ամփոփ զեկոյցով մը հանդէս եկաւ գրաւեալ Արեւմտեան Հայաստանի իրաւունքներուն ուղութեամբ տարուած աշխատանքները ներկայացնելով:

Այցելութեան ընթացքին ծաղկեպսակներ տեղադրուեցան թէ ԱՍԱԼԱ-ի նահատակներու յուշարձանին, եւ թէ Հայ ազգի պանծալի Զօրավար Անդրանիկ Օզանեանի շիրիմին:

Input your search keywords and press Enter.