Արդյոք Էլիսէյի պալատը գիտէ՞, թէ ինչպէս կրնայ ներուիլ

ԿԱՐԻՆ — Ֆրանսայի նախագահ Էմանուէլ Մակրոնը այժմ համոզուած է ձախողումին քաղաքական այն առանցքին՝ որուն Ֆրանսան հաւատարիմ մնացած է Սուրիոյ նկատմամբ իր մօտեցմամբ, — կը համարէ Միջին Արեւելքի հարցերով ֆրանսացի փորձագէտ մը:

Սուրիոյ Բաաս կուսակցութեան պատկանող կայքէջին տուած հարցազրոյցին՝ Միջին Արեւելքի փորձագէտ Անտուան Շարպենտիէրը կը քննարկէ Էլիզէյի վարած քաղաքականութիւնը Սուրիոյ նկատմամբ։

«Վերջերս նախագահ Մակրոնը Սուրիոյ համար նշանակած է յատուկ առաքելութեամբ բանագնաց», կը յիշեցնէ Անտուան Շարպենտիէրը, որովհետեւ Մակրոնը տարբեր միջոցներով կը փորձէ Ֆրանսային վերադարձնել Սուրիայ:
Նույն նպատակին պիտի ծառայէ յատուկ առաքելութեամբ ներկայացուցչի նշանակումը՝ ինչը մարդասիրական օգնութեան տարածումն է, որով կը զբաղի Մոսկուան, ըստ Միջին Արեւելքի ֆրանսացի փորձագէտին:

Անոր կարծիքով, սա կ՛առաջացնէ այնպիսի հարցեր՝ ինչպիսիք են. «թէ որտե՞ղ պիտի հաստատուի այս յատուկ առաքելութիւնը, Սուրիո՞յ թէ հարեւան երկրի մը մէջ: Կամ ան անմիջական կապ պիտի հաստատէ՞ Սուրիական կառավարութեան հետ, թէ անուղղակիօրէն պիտի շփուի»:
Սակայն, քանի որ այն նշանակուած է նախագահ Մակրոնի կողմէ Սուրիոյ համար՝ վերջինս քանի մը անգամ արտայայտուած է անոր առաքելութեան մասին իրաւականօրէն, կը յիշեցնէ Անտուան Շարպենտիէրը:

Փաստօրէն Ֆրանսան միջոցներ կը փնտռէ՝ որպէսզի յաջողցնէ իր վերադարձը Սուրիական կենսադաշտ։ Սակայն, քանի դեռ Ֆրանսան ներողութիւն չի խնդրեր Սուրիոյ հետ իր անցեալի սխալներուն համար՝ Դամասկոսը կը հրաժարի դիւանագիտական յարաբերութիւններ հաստատելու Փարիզի հետ, կը մանրամասնէ փորձագէտը։

«Քանի որ համոզուած է, որ քաղաքական առանցքը, որուն հաւատարիմ մնալով կորսնցուցած է պատերազմը Սուրիոյ մէջ, եւ աւելի ընդհանուր իմաստով Միջին Արեւելքի մէջ՝ Ֆրանսան կը փորձէ կրկին վերադառնալ այնտեղ, ապահովելու համար Սուրիան վերակառուցելու իր բաժինը», կը հաստատէ Անտուան Շարպենտիյէր։

Այլ կերպ ասած, Ֆրանսան կը փորձէ ձեռք բերել առեւտուրի եւ տնտեսութեան միջոցով այն՝ ինչին չէ յաջողած հասնիլ պատերազմի եւ քաղաքականութեան միջոցով: «Սակայն Սուրիան եւ Ռուսաստանը չեն ընդունիր, որ Ֆրանսան մասնակցի Սուրիոյ վերակառուցման», — կ՛ընդգծէ Անտուան Շարտենիյէր:

Ապա ան կը յիշեցնէ, որ Լիբանանի վարչապետ Սաադ Հարիրին Սուրիան վերակառուցելու հարցով փորձած է միջնորդել Ռուսիոյ եւ Ֆրանսայի միջեւ: «Հարիրին չկրցաւ իրականացնել իր դերը՝ պատանդ վերցուելուն պատճառով Սէուդական Արաբիոյ կողմէ»:

Լիբանանի շատ մը գործարարներ կը ցանկան բաժին ունենալ Սուրիոյ վերականգնման գործին մէջ, որոնց շարքին կան նաեւ մարդիկ՝ որոնք դէմ են Սուրիոյ կառավարութեան, կը հաստատէ ան։ «Եւրոպացիները նոյնպէս Սուրիայ վերադառնալու համար իրենց հերթին հակուած են դիմելու Չինաստանին, Ռուսաստանին եւ այլ երկրներու՝ քան ԱՄՆ-ին եւ անոր դաշնակիցներուն», — կ՛աւելցնէ վերլուծաբանը:

Անդրադառնալով Եւրոպական երկրներու ջանքերուն՝ Ուաշինգտոնի գիրկէն դուրս գալու համար, Միջին Արեւելքի ֆրանսացի փորձագէտը կ՛աւելացնէ.

«Յիշեցնենք, որ ֆրանսական մարդասիրական օգնութիւնը իրականացած է Հելսինկիի մէջ կայացած Տրամփ-Պուտին գագաթնաժողովէն ետք: Եթէ Ամերիկայի նախագահը կարենար դիմակայել իր ռուս գործընկերոջը՝ ապա կարիք չէր ըլլար ուղարկելու այդ օժանդակութիւնը, Դամասկոսին Փարիզի քաղաքական ուղերձը յղելով:

Եւ Ռուսաստանը բաւական ողջունած է Էլիզէյի այս նախաձեռնութիւնը՝ քանի որ կը ձգտի ֆրանսացիներուն իր ճամբարին մէջ ներգրաւել»:
ֆրանսացի սոյն վերլուծաբանին կարծիքով, «Այս տեսանկիւնէն, աւելի շատ հասկնալի կը դառնայ Էլիզէյի կողմէ Սուրիային յատուկ ներկայացուցիչ նշանակելը. որով Ֆրանսան Սուրիային կը ցանկայ քաղաքական ուղերձ յղել տնտեսական ուղղուածութեամբ»:

presstv.com

Input your search keywords and press Enter.