Պաշտօնական Հաղորդագրութիւն : Արեւմտեան Հայաստանի Հանրապետութեան օրէնսդրական ընտրացանկը առեւանգելու փորձով մեղադրուած քրէական յանցագործութեան մասին

Արեւմտեան Հայաստանի Հանրապետութեան Կառավարութիւնը Հայկական հանրութեան ուշադրութեան կը յանձնէ տուեալ քրէական յանցագործութեան մանրամասնութիւնները:

Առաջին հերթին, կը հաստատենք որ ներքոյիշեալ անձերը Արեւմտեան Հայաստանի Ազգային Խորհուրդին, Կառավարութեան, եւ Խորհրդարանին հետ որեւէ տեսակի կամ մակարդակի առնչութիւն չունին:

Անոնք մեղադրուած են յանցագործութեամբ ըստ Արեւմտեան Հայաստանի Հանրաբետութեան Սահմանադրութեան Յօդուած 3-ի 1, 2 եւ 3 կետերուն:

Յօդուած 3.

1) Արեւմտեան Հայաստանի Հանրապետութեան իշխանութիւնը, որպէս Հայկական պետութեան իշխանութիւն կը պատկանի հայ ժողովուրդին:

2) Ժողովուրդն իր իշխանութիւնը կ՛իրականացնէ ազատ ընտրութիւններու եւ հանրաքուէներու եղանակով, ինչպէս նաեւ Սահմանադրութեամբ եւ օրէնքներով նախատեսուած պետական մարմիններու եւ պաշտօնատար անձերու միջոցով:

3) Իշխանութեան իւրացումը որեւէ կազմակերպութեան կամ անհատի կողմէ յանցագործութիւն է:

http://www.western-armenia.eu/stat.gov.wa/arm/2017/Arevmdyan_Hayasdani_Hanrabedoutyan_Sahmanadroutyoun-09.05.2016.pdf

Ուստի, մեկնելով մեր պատասխանատւութեան թելադրանքներէն, մենք պարտաւոր ենք պաշտպանելու եւ պահպանելու մեր հայրենակիցներու ազգային արժանապատւութիւնն ու կենսական իրաւունքները, որոնց ամենակարեւորներէն մէկն է մեր հայրենակիցներուն տրամադրել այն բոլոր ճշմարտութիւններն ու իրականութիւնները՝ որոնք անմիջական կապ ունին իրենց անձեռնմխելի իրաւունքներուն եւ այդ իրաւունքներուն սպառնացող վտանգներուն հետ:
Այդ պատճառով ալ, մենք կը հրապարակենք յանցագործներու լուսանկարները, որոնք իրենց սոյն դաւադրական առարքներով վնաս կը հասցնեն ո՛չ միայն Արեւմտեան Հայաստանի Հայերու իրաւունքներուն, պատմութեան, քաղաքական հաւաքական ճակատագրին՝ այլեւ անոնք ապօրինի կերպով կը շահագործեն Արեւմտեան Հայաստանի Հանրապետութեան կառավարութեան եւ պետական կառոյցներուն անունը, Հայութեան մէջ հաւաքական գիտակցութիւնը խեղաթիւրելու եւ ապակողմնորոշելու նպատակով, ծառայելով միայն ու միայն մեր ազգի անցեալի եւ ներկայի թշնամիներուն:

Կեղծարար յանցագործ դաւադիրներ են.

Տիգրան Փաշաբեզեան, Արմէն Տէր-Սարգսեան, Արմենակ Հարմանտայեան, Տիգրան Հարութիւնեան, Սաիդա Օհանեան, Դիանա Գրիգորեան, Դաւիթ Խինոեւ, Ռադիկ Խամոյեան, Պետրոս Քեշիշօղլեան, Վրէժ Քոսէյեան,  եւ այլեր:

Անոնք Արեւմտեան Հայաստանի Ազգային Խորհուրդին կողմէ կը մեղադրուին որպէս կեղծարարներու քրէական խմբակցութիւն, Արեւմտեան Հայաստանի Հանրապետութեան անունը ապօրինի շահագործողներ: Անոնք նաև ապօրինաբար կը շահագործեն Արեւմտեան Հայաստանի Ազգային Խորհուրդի, Կառավարութեան, եւ Խորհրդարանի հեղինակութիւնը, դրօշակն ու զինանշանը:

Յանցագործ խմբակցութիւնը այսօր կը տարածէ կեղծ ցուցակ մը, որ կը պարունակէ անձանց անուններ եւ լուանկարներ՝ որոնց մեծ մասը կամ տեղիակ չէ իր անուան շահագործման մասին կամ ալ ընդանրապէս ոչ մէկ կապ ունի նման գործունէութիւններու ոլորտէն ներս, եւ այս անուանացանկը կը ներկայացնեն հանրութեան՝ որպէս Արեւմտեան Հայաստանի Ազգային Ժողովի ընտրութիւններու թեկնածուներ: Այս յանցագործութեան միակ նպատակն է հարուածել ոչ միայն Արեւմտեան Հայաստանի Հանրապետութեան պաշտօնական եւ իսկական Ազգային Ժողովի ընտրութիւններուն՝ որոնք տեղի պիտի ունենան 2018-ի Դեկտեմբերին, այլեւ հարուածելու եւ խոչընդոտելու Արեւմտեան Հայաստանի Հայութեան իրաւունքները պաշտպանող միակ իսկական եւ լիազօր պետական համակարգի աշխատանքներուն, զոր կը ղեկավարէ Արմենակ Աբրահամեանը 2004-էն ի վեր:

Արեւմտեան Հայաստանի Հանրապետութեան իսկական Ազգային Ժողովի ընտրութիւնները տեղի պիտի ունենան 2018-ի Դեկտեմբերին, եւ արդիւնքները պաշտօնապէս պիտի հրապարակուին Փարիզի մէջ տեղի ունենալիք եռօրեայ միջոցառումին ընթացքին, 18, 19 եւ 20 Յունուար 2019-ին, որուն ընթացքին պիտի նշուի նաեւ Փարիզի Խաղաղութեան Վեհաժողովի գործերու մեկնարկի 100 ամեակը՝ Ֆրանսայի Հանրապետութեան բարձր մակարդակի հիւրերու ներկայութեամբ:

Արեւմտեան Հայաստանի Հանրապետութեան իսկական Ազգային Ժողովի ընտրութիւններուն մասնակցող թեկնածուները պաշտօնական դիմումներով ներկայացան ընտրական յանձնախումբին 2018-ի Յունուար ամիսէն սկսեալ: Այդ դիմումները արկայ են ընտրական յանձնախումբին մօտ եւ ենթակայ են հրապարակման: Ընտրութիւններուն պիտի քուէարկեն Արեւմտեան Հայաստանի Հանրապետութեան պաշտօնապէս գրանցուած մօտ 25,000 քաղաքացիները, որոնց քաղաքացիութեան դիմումները արկայ են Արեւմտեան Հայաստանի Ազգային Խորհուրդի դիւանին մօտ:

Արեւմտեան Հայաստանի Հանրապետութեան իսկական Ազգային Ժողովի ընտրութիւններու բոլոր տուեալները հաստատուած են օրինական փաստաթուղթերով եւ ենթակայ են հրապարակման որպէս շօշափելի փաստեր, այն՝ ինչը նոյնիսկ գոյութիւն չունի կեղծարար դաւադիրներու ըմբռնողութեան մէջ:

Հարկ է նշել ու հրապարակուած կեղծ անուանացանկին մէջ կան նաեւ փազմաթիւ անձեր, որոնք գրաւոր մեզ հաղորդեցին իրենց անունները առանց իրենց համաձայնութեան շահագործուած ըլլալու փաստին մասին, որոնք կը հրապարակենք մեր պաշտօնական լրատուական միջոցներով, աւելցնելով որ այդ անուններուն մէջ կան նաեւ անձեր՝ որոնք պաշտօնական դիմում յղած են Արեւմտեան Հայաստանի Հանրապետութեան իսկական Ազգային Ժողովի ընտրութիւններուն թեկնածու ներկայանալու մասին:

Կեղծարարներու խայտառակութիւնը կատարեալ է եւ փաստերով հաստատուած:

Սուտի պարանը կարճ է:

Դաւադիր յանցագործները կրնան քրէական պատասխանատւութեան ենթարկուիլ՝ նման հանրային բնոյթ կրող հարցի մը մէջ այլ մարդկանց անունները օգտագործելու մեղադրանքով, առանց անոնց համաձայնութեան կամ գիտութեան:

Ի հարկէ յանցագործութեան կարգավիճակէ դուրս են այն բոլոր անձերը՝ որոնք մեր պաշտօնական ընտրութիւններու թեկնածու են, կամ անմիջապէս մեզի դիմած են այս խայտառակ, դաւադիր եւ յանցագործ անուանացանկին մէջ յայտնուելնուն համար՝ առանց տեղեակ ըլլալու:

Մենք կոչ կ՛ընենք այն բոլոր մարդկանց, որոնք խաբուած են կամ անակնկալի առջեւ յայտնուած են իրենց անուններն ու լուսանկարները տեսնելով յանցագործ անուանացանկին մէջ, եւ հնարաւորինս կարճ ժամանակի մէջ դիմած են Արեւմտեան Հայաստանի իշխանութիւններուն՝ հետեւեալ էլեկտրոնային հասցէին միջոցով: stat.gov.wa@haybachdban.org

 

Input your search keywords and press Enter.