Իդլիբի շուրջ կը ստեղծուի պատնէշային գօտի

Ռուսաստանի եւ Թիւրքիոյ նախագահները պայմանաւորուած են պատնէշային գօտի ստեղծել Սուրիոյ Իդլիբի նահանգին շուրջ, ինչը կը նշանակԷ Իդլիբի վրայ Բաշշար Ասադի զօրքերու յարձակման առնուազն յետաձգում, ինչին դէմ հանդէս կուգան Թիւրքիան եւ Արեւմուտքը, — կը տեղեկացնէ  BBC-ն:

Վլադիմիր Պուտինը եւ Ռեջէպ Թայիպ Էրդողանը Սեպտեմբերի 18-ին Սոչիի մէջ կայացած բանակցութիւններէն ետք յայտարարած են Իդլիբի երկայնքով 15-20 կմ խորութեամբ ապառազմականացուած գօտի ստեղծելու իրենց մտադրութեան մասին: Այդ պիտի արուի մինչեւ Հոկտեմբերի 15-ը:

Ռուսաստանի նախագահը նշած է, որ մինչև Հոկտեմբերի 10-ն նախատեսուած Է այդ գօտիյէն դուրսբերումը ընդդիմադիր խմբաւորումներու ամբողջ ծանր սպառազինութեան: Այդ գօտին պիտի վերահսկեն թիւրք զինուորականներն ու ռուսական ռազմական ոստիկանութիւնը:

Ռուսաստանի պաշտպանութեան նախարար Սերգէյ Շոյգուն հաւաստիացուցած Է, որ յառաջիկայ ժամերուն պատնէշային գոտիի վերաբերեալ որոշումը պիտի համաձայնեցուի նախագահ Բաշշար Ասադի հետ:

Յիշեցնենք, որ Ֆրանսայի յոգատարութեան տակ գտնուող Կիլիկիան եւ Արեւելքի տարածքները (քարտէսին՝ կապոյտ գոյնով) ներառեալ, 1920 թ.-ի Օգոստոս 4-ին յայտարարեց իր անկախութիւնը, սակայն Անգորայի (անօրինական) համաձայնագիրը Ֆրանսայի եւ քեմալական Թիւրքիոյ միջեւ 1921 թ.-ի Հոկտեմբեր 20-ին՝ հակասեց Կիլիկիոյ ողջ բնակչութեան կողմէ ընդունուած որոշումներուն, ինչը պատճառ դարձաւ այնտեղ Հայ եւ քրիստոնեայ բնակչութեան յետագայ նոր կոտորածներուն՝ Թիւրքիոյ կողմէ:

Նախագահ Արմենակ Աբրահամեանը կը յիշեցնէ սակայն, որ Կիլիկիոյ բռնագրաւումը թրքական բանակի եւ ահաբեկիչներու կողմէ՝ նոյնիսկ եթէ այն կը շարունակուի նաեւ այսօր, չի փոխեր Կիլիկիոյ կարգավիճակը, որ է եւ այսօր ալ կը մնայ՝ որպէս Թիւրքիոյ կողմէ գրաւեալ հայկական տարածք:

Նախագահ Արմենակ Աբրահամեանը կոչ կ՛ընէ Թիւրքիային՝ վերադարձնել Կիլիկիան իր օրինական տէրերուն, հայ ժողովուրդին եւ արեւելեան քրիստոնեաներուն, որոնք 1920 թուականի Օգոստոս 4-ին յայտարարած են Կիլիկիոյ եւ Արեւելեան տարածքներու անկախութիւնը:

Input your search keywords and press Enter.