«Սուրիական ազատ բանակի» քանի մը հարիւր զինեալներ Աֆրինէն տեղափոխուեր են  Սարմադ եւ Քաֆր Քերմին: Այդ զինեալներուն հետ տեղափոխուեր են նաեւ հրասայլեր եւ զրահապատ մեքենաներ: Կ՛ենթադրուի, որ այդ զինեալները յառաջիկային կը մասնակցին  ահաբեկչական խմբաւորումներու դէմ գործողութիւններուն, այն խմբաւորումներուն՝ որոնք մերժած են ռուս-թրքական համաձայնագիրը Իդլիբի շուրջ պատնէշային գօտի ստեղծելու:

Ըստ արաբական ԲԱԼԴԻ Նորութիւններուն՝ Ջըսր ալ Շուղուր բնակավայրին մէջ տեղի ունեցած է արմատական ​​զինուած խմբաւորումներու ղեկավարներուն հանդիպումը: «Հայ՛աթ Թահրիր ալ-Շամ», «Իսլամական Թուրքեստան կուսակցութիւն», «Ջէյշ ալ Իզզա» եւ «Հուռռաս ալ դին՚՚ խմբաւորումները դէմ են ռուս-թրքական համաձայնագիրին եւ կը պատրաստուին զինուած դիմադրութեան:

Թրքական Yeni Şafak թերթը բացայայտեց Սուրիոյ մէջ Ամերիկեան եւ Իսրայէլեան հետախուզական ծառայութիւններու գործունէութիւնը: Ըստ հրապարակուած տեղեկատւութեան՝ միայն վերջին երկու տարիներուն ընթացքին, ԱՄՆ-ի հետախուզութիւնն  իր գործունեութեան ներգրաւած է աւելի քան երեք հազար գործակալներ՝ Ռաքքա, Դէյր-Զօր, Մանբիջ, Այն ալ Արաբ եւ Թել Աբյադ քաղաքներուն մէջ: Գործակալներու հաւաքագրման համար օգտագործած են կրօնական հաստատութիւնները եւ մարդասիրական կազմակերպութիւնները: Կը նշուի նաեւ, որ Կեդրոնական Հետախուզական Վարչութեան հետ միասին՝ նման գործողութիւններ կատարած է նաեւ Իսրայէլեան Մոսադը:

Input your search keywords and press Enter.