Նշուած է Մուսա լեռան հերոսամարտի 103-րդ տարեդարձը

Մուսա լեռան հերոսամարտի յուշահամալիրին մէջ տեղի ունեցած է Մուսա լեռան հերոսամարտի 103-րդ տարեդարձին նուիրուած տօնակատարութիւն, որուն մասնակցած է Հայաստանի Հանրապետութեան Արմաւիրի մարզպետ Գագիկ Միրիջանեանը, Արմաւիրի թեմի առաջնորդ Գերաշնորհ Տէր Սիոն եպիսկոպոս Ադամեանը, Հայաստանի  մէջ Ֆրանսայի դեսպան Ժոնաթան Լաքոտը, Հայաստանի եւ աշխարհի տարբեր վայրերուն մէջ ապրող Մուսալեռցիներ, մարզի բնակիչներ։

Միջոցառմանն իր շնորհաւորանքի խօսքով հանդէս եկած է նաեւ Հայաստանի մէջ Ֆրանսայի արտակարգ եւ լիազօր դեսպան Ժոնաթան Լաքոտը` կարեւորելով Մուսա լեռան հերոսամարտին երկու բարեկամ ժողովուրդներուն սխրանքը, եւ զայն համարելով օրինակելի բոլոր սերունդներուն համար: Մէջբերելով Ֆրանսայի նախագահ Էմանուէլ Մակրոնի խօսքը` ան նշած է. «Ֆրանսան միշտ հայ ժողովուրդի կողքին է»:

Մուսա լեռան 103-րդ տօնակատարութեան առիթով հայ-ֆրանսական բարեկամութեան ամրապնդման եւ զարգացման մէջ ունեցած աւանդին համար՝ Մուսա լեռան հերոսամարտի պատմութեան եւ Մուսալեռցիներու ազգագրութեան թանգարանի տնօրէն Կարէն Արիստակեսեանը Հայաստանի մէջ Ֆրանսայի արտակարգ եւ լիազօր դեսպանին պարգեւատրած է «Երուանդ Լալայեան» յուշամեդալով և շնորհած է «Սարդարապատի հերոսամարտի յուշահամալիր, Հայոց ազգագրութեան եւ ազատագրութեան պայքարի պատմութեան ազգային բարեկամ» տիտղոս` համապատասխան հաւաստագիրով եւ կրծքանշանով:

Input your search keywords and press Enter.