Քրդական ընդյատակեայ զինեալները կը շարունակեն իրենց քօղարկուած գործը Աֆրինի մէջ, զոր բռնագրաւած է թրքական բանակը: Ասոր մասին կը գրէ @syriaalhadit: Այս անգամ ՈՒՄմ ալ ջլուդ գիւղին մէջ տեղի ունեցած էր դաւադիր յարձակում, որու նպատակներ էին «Ազատ Սուրիական բանակ»-ի կազմին մէջ մտնող «Լիուա՛ սուլթան Մուրադ»-ի զինեալները: Քրդերը կրցան ոչնչացնել չորս ահաբեկիչներ: Յիշեցնենք, որ այս տարուայ Մարտ ամիսէն ի վեր՝ Աֆրինի տարածքը կը վերահսկուի Թիւրքիոյ զինուած ուժերուն եւ Ազատ Սուրիական բանակի զինեալներուն կողմէ:

Եփրատ Փոստի լրատուականին համաձայն, «Իսլամական պետութեան» ահաբեկիչները երկու յարձակումներ կատարած են Արեւելեան Դէյր Էզ-Զօրի քրդական զինուած ուժերուն վրայ: «Իսլամական պետութեան»  յարձակումները տեղի ունեցած են Աբու Համամ եւ Աբու Հարդուբ բնակավայրերուն վրայ: «Սուրիական ժողովրդավարական ուժերը» տուեր են 7 զոհ:

 

Յիշեցնենք, որ «Սուրիական ժողովրդավարական ուժերուն» եւ միջազգային դաշնակիցներուն կողմէ իրականացուող «Ջազիրայի փոթորիկ» գործողութիւնը մէկ տարիէ ի վեր կը շարունակուի, սակայն «Իսլամական պետութեան» ահաբեկիչները դեռ կը պահպանեն Եփրատի արեւելքին իրենց ներկայութիւնը: Աւելին, «Իսլամական պետութիւնը» ոչ միայն կը վերահսկէ գետի ձախ ափին գտնուող Խաջին քաղաքի շրջակայքը, այլեւ աշխուժօրէն կը գործէ քիւրդերու կողմէ «ազատագրուած» տարածքներուն վրայ:

Սպաննուած է Ահրար աշ-Շամի ղեկավարներէն մէկը՝ Աբու Մուաուիյա Թիւրքմենին, զայն սպաննած են Հայ՛աթ-Թահրիր Աշ-Շամ-ի զինեալները Կաֆր Նուբոլ-Խազարեան մայրուղիին վրայ: Աղբիւրին համաձայն, սա վերջին օրերու ընթացքին սպաննուած զինեալներու եօթերորդ հրամանատարն էր: Անոնցմէ հինգը կը պատկանէին «Ջաբհաթ-էն-Նուսրա»-ին:

Telegram @idlib_now- ի աղբիւրին համաձայն՝ թրքական զօրքերը Կուսամբարէն երեք կիլոմետր հեռաւորութեան վրայ գտնուող Նուսայբին քաղաքին մօտ դաշտային ճամբար կը կառուցեն, որ կը գտնուի Սուրիոյ սահմանին մօտ: Ճամբարը կը նախատեսէ փախստականներ տեղադրել Իդիբի գօտիյէն, սակայն, ինչպէս կը նշէ աղբիւրը՝ այն կրնայ օգտագործուիլ նաեւ Սուրիոյ հիւսիս-արեւմուտքէն զինեալներ փոխանցելու եւ Հասանայի նահանգի քրդական զինուած ուժերու դիրքերուն վրայ յետագայ յարձակման համար:

Input your search keywords and press Enter.