Կը վերականգնուի Ստեփանակերտի ամենահին փողոցներէն մէկուն ճարտարապետական տեսքը

Ստեփանակերտի ամենահին փողոցներէն մէկուն՝ Յովհաննէս Թումանեանի անունը կրող փողոցի տուներու ճակատներն ու մայթերը վերականգնելու աշխատանքները կ՛իրականացուին։

 

Ասոր մասին յայտնած է Արցախի Հանրապետութեան  քաղաքաշինութեան նախարարութեան քաղաքաշինական  պետական տեսչութեան պետ Դաւիթ Աւանէսեանը: Անոր խօսքով՝   շինաշխատանքները սկսած են 2017 թուականին եւ կ՛իրականացուին քանի մը փուլերով:

«Պահպանելով փողոցի հին պատմաճարտարապետական տեսքը՝ կ՛իրականացուին  նաեւ մայթեզրերուն եւ պատերուն վերանորոգումը, ինչպէս նաեւ կը կատարուի   մայթերու սալապատումը: Փողոցներուն պիտի տեղադրուին նոր գիշերային լուսարձակներ: Նախատեսուած է մայթեզրերու երկայնքով տնկել ծառեր»,- նշած  է Դ. Աւանէսեանը՝ աւելցնելով, որ այդպիսով կը վերականգնուի Ստեփանակերտի ամենահին փողոցներէն մէկու ճարտարապետական տեսքը:

Input your search keywords and press Enter.