F-35-ի հիմնական մասերը կ՛արտադրուին Թիւրքիոյ մէջ

ԿԱՐԻՆ — ԱՄՆ-ի Կոնգրեսը կրնայ չեղեալ յայտարարել F-35 հալածիչներու վաճառքը Թիւրքիային: Սակայն խնդիր կայ, անոնց հիմնական մասերը թրքական արտադրութիւն են:

 

Օգոստոսին Կոնգրեսը օրէնք մը ընդունեց, որով կրնար արգիլափակել «Lockheed Martin» Ամերիկեան ընկերութեան F-35 100 հալածիչներու վաճառքը Թիւրքիային` հաշուի առնելով, որ ան կ՛ուզէ ձեռքբերել ռուսական օդային պաշտպանութեան համակարգ:

 

Ամբողջ խնդիրը այդտեղ է։ Թիւրքիան օդանաւներու մասերու արտադրութեան շուկայի համաշխարհային առաջատարն է: 10 թրքական ընկերութիւններ՝ F-35-ի մօտ 12 մլրդ դոլար արժողութեամբ կցամասեր կ՛արտադրեն, ներառեալ առանցքային բաղադրիչներ, ինչպէս կեդրոնական մարմինն ու որոշ վայրէջքի սարքաւորումներ։ Քանի մը իրերու պարագային՝ ինչպէս ղեկավարման վահանակներն են, Թիւրքիան աշխարհի երեսին միակ արտադրողն  է:

 

Northrop Grumman-ի հետ համատեղ՝ թրքական TAI օդանաւային ընկերութիւնը կ՛արտադրէ եւ կը հաւաքէ օդանաւներու կեդրոնական մարմինը, զինամթերքի խուցի դուռերն ու օդորակիչները, որոնք կ՛օգտագործուին իրերու փոխադրման համար:

Այէսաս-ը միակ մատակարարն է F-35-ի երկու հիմնական բաղադրիչներուն, հրթիռներու հեռակայ ինտերֆէյսային միացման համակարգը, եւ նաւախցիկի ընդհանրական վիճակը ցուցադրող վահանակը:

Kale Aerospace-ը կ՛արտադրէ թռչող սարքերու համար կառոյցներ եւ վայրէջքի համար տեղադրուած հանդերձանք:

Fokker Elmo-ն կ՛արտադրէ F-35-ի շարժիչի էլեկտրական փոխկապակցման համակարգի (EWIS) 40% -ը:

Alp Aviation-ը կ՛ապահովէ օդանաւի կառոյցն ու հաւաքը, վայրէջքի հանդերձանքի բաղադրիչներն ու F-35-ի շարժիչի աւելի քան 100 մասեր, ներառեալ  տիտանով պատրաստուած համատեղուած պտուտակային ռոտորները:

Վտանգի պարագաներ.-

Առաքման վտա՞նգ մը արդեօք

Եթէ ԱՄՆ-ը արգիլափակէ տուեալ օդանաւներուն վերաբերեալ գործարքը՝ ապա Թիւրքիոյ նախագահ Ռեջեպ Թայիպ Էրդողանը կրնայ կրճատել էական մասերու հոսքը իրենց արտադրանքներուն համար։ “Եթէ թրքական մատակարարման շղթան դադրեցուի՝ ապա այդ կը հանգեցնէ օդանաւի արտադրութեան ընդհատման, յետաձգելով 50-էն 75 օդանաւի առաքումը, եւ մեզմէ կը պահանջուի մօտաւորապես 18-էն 24 ամիս՝ մասերը համալրելու համար”, — յայտարարած է ԱՄՆ-ի պաշտպանութեան նախարար Ջիմ Մաթթիսը Յուլիսին:

Կոնգրեսին ուղղուած նամակով Էրդողանը շատ բան չէ ըսած, թէ ինչպէ՞ս կրնայ արձագանքել: Մաթթիսը պէտք է Նոյեմբերի կէսին զեկոյց ներկայացնէ Կոնգրեսին` Թիւրքիոյ մասնակցութեան պարագային ակնկալուող հնարաւոր փոփոխութեան որեւէ ազդեցության մասին։ Lockheed-ը կ՛ըսէ, թէ ներկայ պահին կը շարունակուի վաճառքը թիւրքերուն:

Input your search keywords and press Enter.