Լեռնային Ղարաբաղի մէջ կը կայանայ ConIFA-ի 2019-ի Ֆուտբոլի Եւրոպայի գաւաթի մրցաշարը

ԱՐԵՒՄՏԵԱՆ ՀԱՅԱՍՏԱՆ — Անկախ ֆուտբոլային ընկերակցութիւններու համադաշնութիւնը (ConIFA) յայտարարեց, որ  2019 թուականի ֆուտբոլի Եւրոպայի գաւաթի մրցաշարը տեղի պիտի ունենայ Լեռնային Ղարաբաղի մէջ: Շուտով կը հրապարակուին տեղեկութիւններ՝ մրցաշարին մասին:

ConIFA-ն, որ Զուիցերիոյ մէջ հիմնուած միջազգային կազմակերպութիւն է, եւ կը ներկայացնէ չճանչցուած պետութիւններու թիմերը, որոնք անհամատեղելի են ՖԻՖԱ-ի կամ Եւրոպական ֆուտբոլային միութիւններու միութեան, որպէս ազգային թիմեր:

ConIFA-ի ներկայացուցիչները յայտարարեցին, որ Լեռնային Ղարաբաղ այցելելէ ետք՝ գտած են որ իրենց ընտրութիւնը ճիշդ եղած է:

Լեռնային Ղարաբաղի սպորտի նախարար Նարինէ Աղաբալեանը ողջունեց լուրը` ըսելով, որ մրցաշարը «սպորտի, մշակոյթի եւ բարեկամութեան հրաշալի տօն է»:

Ատրբէյջանի ֆուտբոլի Դաշնութիւնը «խստօրէն դատապարտեց» Հայաստանի կողմէ զբաղեցուած «ատրբէյջանական տարածքներուն» վրայ մրցաշար անցընելը, եւ խոստացաւ «ձեռնարկել բոլոր անհրաժեշտ իրաւական քայլերը», ինչպէս նաեւ պաշտօնապէս դիմել Միջազգային ֆուտբոլային Համադաշնութեան Դաշնութեան (ՖԻՖԱ) եւ Եւրոպական ֆուտբոլային միութիւններու միութեան:

2019-ի խաղերը պիտի դառնան ConIFA-ի Եւրոպայի գաւաթի երրորդ մրցաշարը: Առաջինը տեղի ունեցած է 2015 թուականին Հունգարիայի մէջ, սակայն Աբխազիայի եւ Հարաւային Օսեթիայի ֆուտբոլիստները հրաժարեցան այդ  երկիր մեկնելէ: Այդկէ ետք ֆուտբոլի Դաշնութիւնը որոշեց իր 2016-ի աշխարհի գաւաթի մրցաշարը անցընել Աբխազիոյ մէջ:

Կազմակերպութիւնը կը նշէ, որ յաջորդ տարի Լեռնային Ղարաբաղի մէջ 12 թիմ պիտի մրցի նախորդ Եւրոպական եւ Աշխահի գաւաթին յաղթանակած խումբերուն հետ — այն է Իտալիոյ հիւսիսային անջատողական շրջանի խումբը, որ շահած է երկու Եւրոպական Գաւաթները, նաեւ Հիւսիսային Կիպրոսը, Աբխազիան եւ Կարպատալեան՝ որ կը ներկայացնէ Ուկրանիոյ հարաւ-արեւմտեան Զաքարպտիթա շրջանի հունգարացի փոքրամասնութիւնը:

2014-ին Լեռնային Ղարաբաղի ֆուտբոլի հաւաքականը, որ սովորաբար զրկուած էր միջազգային խաղերուն մրցելու հնարաւորութենէն՝ մասնկցեցաւ ConIFA-ի առաջին Աշխարհի Գաւաթի խաղերուն` Աբխազիոյ եւ Հարաւային Օսիայի հետ։ Ան գրաւեց 12-էն 9-րդ տեղը։

ConIFA-ն անտեսեց Ատրբէյջանի ֆուտբոլի Դաշնութեան բողոքը՝ Լեռնային Ղարաբաղի մասնակցութեան համար այնտեղ, եւ դեռ չէ մեկնաբանած վերջինս յայտարարությունը:

Ֆուտբոլային քաղաքականութիւն

ՖԻՖԱ-ն կը ներառնէ 23 անդամներ՝ որոնք Միացեալ Ազգերու Կազմակերպութեան ինքնիշխան անդամները չեն, ինչպէս Ջիբրալթարը, Ուէլսը եւ Պաղեստինը, — սակայն ան Հարաւային Կովկասեան  վիճելի տարածքները կը դասակարգէ որպէս «քաղաքականապէս զգայուն տարածքներ»:

ConIFA- ի մրցաշարերը այլընտրանք կը հանդիսանան ՖԻՖԱ-ի աւելի մեծ առաջնութիւններուն: Համադաշնութիւնը կը ներառնէ նաեւ Արեւմտեան Հայաստանի ֆուտբոլային թիմը, որ կը ներկայացնէ Արեւմտեան Հայաստանի հայերուն:

ՖԻՖԱ-էն դուրս միջազգային ֆուտբոլային մրցաշարեր կազմակերպելու փորձերը սկսած են 1990-ականներու վերջերուն: 2014 թ.-ին ConIFA-ն յաջորդեց Վիվա Աշխարհի ամենամեայ Գաւաթ-ին, որ 2006-2012 թուականներուն իրականացուց ՖԻՖԱ-ի օրինակով մրցաշարեր:

 

Յիշեցնենք, որ Արեւմտեան Հայաստանի համար 1917 թուականի Դեկտեմբեր 29-ին ԽՍՀՄ ժողովրդական կոմիսարներու խորհուրդը հռչակեց «Թրքական Հայաստան» (Արեւմտեան Հայաստան) բռնագրաւուած տարածքներու հայերու իրաւունքները եւ լիակատար անկախութեան հասնելու ինքնորոշման ազատութիւնը:

1920 թ.-ի Յունուարի 19-ին Փարիզի խորհրդաժողովի դաշնակիցներու գերագոյն խորհուրդը դէ ֆակտո եւ 1920 թ.-ին Սան Ռէմոյի խորհրդաժողովի դահլիճին մէջ Արեւմտեան Հայաստանը ճանչցաւ որպէս անկախ եւ ինքնիշխան պետութիւն, որու Թիւրքիոյ հետ սահմանը արբիտրաժի նիւթ էր 1920 թ.-ի Նոյեմբերի 22-ին Միացեալ Նահանգներու նախագահ Վուդրօ Ուիլսոնի կողմէ:

Նշենք, որ Արեւմտեան Հայաստանի պետութիւնը ՄԱԿ-ի կողմէ չէ ճանչուած՝ քանի որ զայն գրաւած է Թիւրքիան:

Յիշեցնենք, որ Արեւմտեան Հայաստանի բռնագրաւուած տարածքներուն 1894-1923թթ.-ուն Հայ բնակչութիւնը Ցեղասպանութեան ենթարկուեցաւ երեք թրքական յաջորդական կառավարութիւններու կողմէ:

Կարին (Էրզրում) քաղաքը Արեւմտեան Հայաստանի պաշտօնական մայրաքաղաքն է, որ ճանչցուած է դաշնակից Տէրութիւններուն կողմէ:

Input your search keywords and press Enter.