Ղարաբաղը հայկական հող է, ալ ի՞նչ վիճելի հարց կրնայ ըլլալ. Սուրիոյ հոգեւոր առաջնորդ

Սուրիոյ հոգեւոր առաջնորդ, շէյխ Ահմադ Բադր ադ-Դին Հասսունը Սուրիոյ եւ աշխարհի միւս թեժ կէտերուն վերաբերող նիւթին շուրջ ռուսական ԶԼՄ-երուն տուած հարցազրոյցին խօսած է նաեւ Լեռնային Ղարաբաղի մասին:

Ան նշած է, որ շրջաններ կան, որտեղ շատոնց պէտք է լուծուած ըլլար տարածքային պատկանելիութեան հարցը, եւ այդպիսի օրինակներէն մէկը Ղարաբաղն է:

«Չեմ հասկնար, թէ ինչն է այստեղ վիճելի: Անձամբ ես կ՛աջակցիմ Ղարաբաղին եւ այդ ժողովուրդի անկախութեան ու ազատութեան ձգտումներուն: Ու կրկին կ՛ուզեմ շեշտել, որ Ղարաբաղեան հակամարտութեան պատճառը կրօնական չէ: Պատճառը ժողովուրդի կամարտահայտութիւնն է, եւ ասոր հետ կարելի չէ հաշուի չնստիլ»,- նշած է Սուրիոյ հոգեւոր առաջնորդը:

Սուրիոյ հոգեւոր առաջնորդն առաջին անգամ իր տեսակէտը Ղարաբաղեան հակամարտութեան վերաբերյալ յայտնած էր 2011 թուականին՝ Սուրիոյ կրօնական փոքրամասնութիւններուն հետ իր հանդիպման ժամանակ:

Input your search keywords and press Enter.