ՀՀ Արտաքին Գործոց նախարարը Ֆրանկոֆոնիայի գագաթնաժողովը լաւ հարթակ կը համարէ՝ Ափրիկեան երկիրներու հետ համագործակցութիւնն ընդլայնելու համար

Հայաստանի մէջ Ֆրանկոֆոնիայի գագաթնաժողովը լաւ հարթակ է Ափրիկեան մայրցամաքէն ներս աւելի ճանաչելի դառնալու, Հայաստանի տնտեսական կարողութիւններով այդ շուկան մտնելու եւ համագործակցութիւնն ընդլայնելու համար: ՀՀ արտաքին գործոց նախարար Զօհրապ Մնացականեանը նման տեսակէտ յայտնեց լրագրողներու հետ ճեպազրոյցին:

«Ի հարկէ մենք ունինք նաեւ այլ հարթակներ, բայց գագաթնաժողովի շրջանակներէն ներս համագործակցութեան ոգին շատ լաւ եւ օգտակար է օգտագործելու համար այս հարթակը, որպէսզի մեզ աւելի ճանաչելի դարձնենք Ափրիկէյի մէջ: Այս հարթակը նաեւ հնարավորութիւն կուտայ ուսումնասիրութիւններ ընելու, մեր տնտեսութեան կարողութիւններով այդ շուկաները մտնելու եւ մեր շուկայի նկատմամբ հետաքրքրութիւն առաջացնելու համար»,- ընդգծեց Մնացականեանը՝ աւելցնելով. «Մեզի համար բաւական մեծ գերակայութիւն է՝ այս հարթակն օգտագործելով Ափրիկեան մայրցամաքէն ներս աւելի երեւելի աշխուժութիւն ցուցադրելու, մայրցամաքի Ափրիկեան բոլոր երկիրներուն հետ աշխատելու համար»:

Input your search keywords and press Enter.