ՀՀ Նախագահը վարչապետին եւ Ազգային Ժողովի նախագահին հետ հանդիպումներ ունեցած է.

Հանրապետութեան նախագահ Արմէն Սարգսեանը Հայաստան վերադառնալուն պէս՝ խորհրդակցութիւններ նախաձեռնած է կառավարութեան եւ Ազգային ժողովի ղեկավարութեան հետ:

Այդ շրջանակէն ներս՝ Հանրապետութեան նախագահն իր նստավայրին մէջ հանդիպումներ ունեցած է վարչապետ Նիկոլ Փաշինեանի և Ազգային ժողովի նախագահ Արայ Բաբլոյեանի հետ։

Զրուցակիցները քննարկած են երկրին մէջ ստեղծուած ներքաղաքական իրավիճակն ու առկայ խնդիրներու հանգուցալուծման ուղիները՝ այդ կտրուածքով կարեւորելով երկրի կայունութեան պահպանումն ու հանդուրժողականութեան մթնոլորտը:

Նախագահ Սարգսեանը ողջունած է անցած օրերու բանակցային գործընթացն ու շեշտած, որ իրավիճակի հանգուցալուծման եւ առկայ խնդիրներու լուծման միակ ճանապարհը երկխօսութիւնն է:

 

Նիկոլ Փաշինյանն ընդգծած է, որ վերջին օրերուն իրադարձութիւններ տեղի կ՛ունենան, որոնք կարծես թէ կը տանին դէպի իրավիճակի հանգուցալուծում:

Input your search keywords and press Enter.