Արցախի Նոր Կարմիրաւան գիւղին մէջ հնագէտները դամբարան յայտնաբերած են

Արցախի Մարտակերտի շրջանի Նոր Կարմիրավան գիւղի տարածքին պեղումներն այս տարի կատարուած են երկու փուլով: Ապրիլ-Մայիս ամիսներուն Արցախի հնագիտական արշաւախումբը տեղւոյն վրայ աշխատանքներ կատարած է՝ վաւերացնելու համար այնտեղ յայտնաբերուած դամբարանի խուցը: Հոկտեմբեր 1-ին մեկնարկած ուսումնասիրութիւններու արդյունքով հնագէտները պեղած են զայն:

«Արմենպրես»-ի հետ զրոյցին Նոր Կարմիրաւանի արշաւախումբի ղեկավար ՀՀ Գիտութիւններու ազգային ակադեմիայի Հնագիտութեան և ազգագրութեան ինստիտուտի գիտաշխատող Նժդեհ Երանեանը նշած է, որ ուսումնասիրութիւններու ընթացքին պարզուած է, որ յայտնաբերուած դամբարանի խուցը արեւելք-արեւմուտք ուղղուածութիւն ունէր, իսկ թաղումը հիմնահողային էր: «Նոր Կարմիրաւանի այս տարուայ պեղումներով մեզի յաջողեցաւ առաջին անգամ կոթողներու տակ դամբարան վաւերացնել, ինչը շատ կարեւոր հետազօտութիւն էր»,-նշած է Երանեանը, աւելցնելով, որ Արցախի մէջ ներկայիս յայտնի են շուրջ երեք տասնեակ նմանատիպ մարդակերպ կոթողներ:

Դամբարանէն յայտնաբերուած են մետաղէ, ոսկորէ, ապակիէ պատրաստուած տարբեր իրեր, այդ շարքին՝ ուլունքներ, կոճակներ, կախիկներ: Դամբարանէն պեղուած ամբողջ նիւթը կը թուագրուի մ.թ.ա. առաջին հազարամեակի սկիզբով, կամ աւելի ճշգրիտ՝ մ.թ.ա. 8-6-րդ դարերով։

Input your search keywords and press Enter.