Արեւմտեան Հայաստանը պէտք է ներկայ գտնուի Մեծ պատերազմի 100-ամեակի արարողութեան

Պաշտօնական դիմում `  ուղղուած նախագահ Մակրոնին, Հոկտեմբերի 6, 2018 թ․

Փարիզ 06 Հոկտեմբեր, 2018

Ֆրանսայի Հանրապետութեան նախագահ Էմանուէլ Մակրոնի ուշադրութեան,

Պարոն Նախագահ

2018 թ.-ի Հոկտեմբեր 5-ին, ծանր, բայց հանդիսաւոր մթնոլորտի մէջ, Դուք պատմական որոշում կայացուցիք` Շառլ Ազմաւուրին արժանանացնելով ազգային մեծարման, որպէս դերասան եւ ֆրանսացիի եւ հայու ընդհանուր ժառանգութիւնը կրող անձի։ Մարդու մը ազգային մեծարման, ով իր խորունկ յետքը թողեց ոչ միայն բազմաթիւ ֆրանսացի եւ հայ սերունդներու, այլեւ ամբողջ աշխարհի բոլոր տղամարդկանց եւ կանանց հոգիներէն ներս՝  դառնալով Մարդկութեան Արդարդատ Գործիչ։

Մենք միայն կրնանք համաձայն ըլլալ ձեր միանշանակ եւ միաբանող որոշման հետ, եւ խոնարհաբար Ձեզի կը յղենք մեր շնորհակալութիւնը:

Նաեւ շնորհակալութիւնը այն բոլոր մարդկանց՝ որոնց կամքը ներկայացնելը իմ պարտականութիւնս է, որոնք Ցեղասպանութենէն վերապրած հայերու ժառանգներն են։

Անոնց՝ որոնք նկարագրուած են Մեծ Երգիչի երգի հետեւեալ հատուածին մէջ.

<< Մահը վրայ հասաւ առանց անոնց տարիքը հարցնելու,

Քանի որ անոնք մեղաւոր էին՝ Հայաստանի զաւակն ըլլալնուն համար>>։

Հայաստանի այս զաւակները, Պարոն նախագահ, որոնք ներգրաւուած էին Արեւելեան Լէգիոնին մէջ եւ կը գտնուէին Ֆրանսայի հովանիին ներքոյ, որպէսզի Կիլիկիան ազատագրէին եւ դառնային Արեւմտեան Հայաստանի ազգային բանակի կորիզը։

Հայաստանի այս զաւակները, Պարոն նախագահ, այս Հայաստանը Արեւմտեան Հայաստանի տարածքէն՝ որ ճանչցուած է Ֆրանսայի եւ դաշնակից պետութիւններուն կողմէ, եւ դարձած է Մեծ պատերազմի ռազմական ոյժ։

Հայաստանի այս որդիները, Պարոն նախագահ, որոնց առաջնորդած եւ ղեկավարած էր իրենց նախագահ Պօղոս Նուբար փաշան՝ պատրաստուած էին իրենց հայրենիքի լիարժէք ազատագրման համար:

«Մեծահոգի Ֆրանսան հպարտօրէն կը յիշէ, որ ինքը պատիւն ունեցած է Հայաստանի որդիներուն բազմաթիւ սուիններ վստահելու, զորս անոնք ոգուորութեամբ կրած են»:

  1920 թ.-ի Օգոստոս 19, Զօրավար Գուղո

Սա այն Հայաստանն է, Պարոն նախագահ, որ ես, ընտրուելով իմ ժողովուրդիս կողմէ որպէս առաջնորդ՝ պատիւն ունիմ այսօր ներկայացնելու զիրենք եւ պաշտպանելու 100 տարի առաջ ձեռք բերուած անոր իրաւունքները:

Ինչպէս կը յիշեցնէ եւ ցոյց կուտայ պատմութիւնը, Հայաստանը Արեւմտեան Հայաստանի տարածքին՝ բաժնուեր է Օսմանեան կայսրութենէն, սակայն ներկայացուցչականութեան երկար բացակայութենէն յետոյ՝ այսօր վերակազմաւորուեր է  ըստ Նախագահ Պօղոս Նուբար փաշայի կողմէ ստեղծուած եւ կազմուած պաշտօնական հաստատութիւններուն:

Հետեւաբար, որպէս Մեծ պատերազմի պատերազմող երկիր՝ ես կը խնդրեմ Ձեզմէ ձեր թոյլտւութիւնը, մասնակցելու Մեծ պատերազմի զինադադարի եւ Փարիզի արձանագրութիւններու պայմանագիրներու 100-ամեակին նուիրուած արարողութիւներուն, որոնք կրնան ծառայել որպէս մեր պետական հաստատութիւններու պաշտօնական ճանաչման հիմք:

Պարոն Նախագահ թոյլ տուէք Ձեզի յղելու իմ յարգանքը։

Յոյս ունիմ, որ դուք կը կարդաք՝ իմ յարգալից վերաբերմունքին հաւաստիանալու համար:

Յարգանքով,

Արմենակ Աբրահամեան

Արեւմտեան Հայաստանի Ազգային Խորհուդի Նախագահ

Input your search keywords and press Enter.