Միջին Արեւելքի եւ Կեդրոնական Ասիոյ ուսումնասիրութեան Կեդրոնի տնօրէն Սեմիոն Բաղդասարովը Վլադիմիր Սոլովիովի հետ հարցազրոյցին խօսած է Հայաստանի Հանրապետութեան ներկայ անուանման մասին:

 

«Հայկական ամենամեծ սփիւռքը Ռուսաստան կը գտնուի, ուր կ՛ապրին նոյնքան հայեր՝ որքան Արեւելեան Հայաստանի մէջ, որ ներկայիս կը կոչուի Հայաստանի Հանրապետութիւն: Ինչու կ՛ըսեմ Արեւելեան Հայաստան, որովհետեւ երբ ինծի կ՛ըսեն Հայաստանի Հանրապետութիւն՝ ես կը պատասխանեմ, դէմ չեմ պաշտօնական այս անուանման, բայց երեւի ճիշտ կ՛ըլլար անուանել Արեւելեան Հայաստան, որովհետեւ ան պատմական Հայաստանի 7 տոկոսն է», ըսած է Բաղդասարովը:

 

Յիշեցնենք, որ 1917թ.-ի Դեկտեմբեր 29-ին Խորհրդային Ռուսաստանի Ժողկոմխորհին կողմէ ընդունուած «Թիւրքահայաստանի մասին» (Արեւմտեան Հայաստան) Դեկրետով ճանչցուած է Թիւրքահայաստանի (Արեւմտեան Հայաստան) հայութեան ազատ ինքնորոշման իրաւունքը՝ ընդհուպ մինչեւ լիակատար անկախութիւն:

1920թ.-ի Յունուար 19-ին Փարիզի Վեհաժողովի ժամանակ՝ Դաշնակից Տերութիւններու Գերագոյն Խորհուրդին կողմէ դէ ֆակտո (de facto), իսկ 1920թ.-ի Մայիս 11-ին Սան Ռէմոյի վեհաժողովին ժամանակ դէ յուրէ (de jure) ճանչցուեցաւ  որպէս անկախ եւ ինքնիշխան պետութիւն: 1920թ.-ի Նոյեմբեր 22-ին ԱՄՆ-ի նախագահ Վուդրօ Ուիլսոնի Իրաւարար վճիռով որոշուեցաւ հայ-թրքական սահմանը:

Հարկ է նշել, որ Արեւմտեան Հայաստան Պետութիւնը ՄԱԿ-ի կողմէ չէ ճանչցուած՝ Թիւրքիոյ կողմէ  բռնագրաւուած ըլլալուն պատճառով:

Յիշեցնենք, որ 1894-1923թթ․-ներուն. Արեւմտեան Հայաստանի գրաւուած տարածքներուն թրքական երեք կառավարութիւններուն կողմէ բնիկ հայ ժողովուրդը ենթարկուեր է Ցեղասպանութեան:

Կարին (Էրզրում) քաղաքը Արեւմտեան Հայաստանի պաշտօնական մայրաքաղաքն է, որ ճանչցուեր է դաշնակից պետութիւններուն կողմէ 1920-ին:

Input your search keywords and press Enter.