«Երիտասարդ մարդկանց քրիստոնէական ընկերակցութիւն» (YMCA) երիտասարդական հասարակական միջազգային կազմակերպութեան Արցախի մասնաճիւղի եւ «Ամերիկայի հայկական համագումար» համաամերիկեան հայկական կազմակերպութեան համատեղ նախաձեռնութեամբ Ստեփանակերտի մշակոյթի եւ երիտասարդութեան պալատի ցուցասրահէն ներս կազմակերպուած է «Ամերիկեան օգնութիւնը 1918-1920թթ.-ուն Հայաստանի առաջին Հանրապետութեան» խորագիրով ցուցահանդէսը:

Պարզուած է,  որ Ջոն Էլդերը եւ Ջէյմս Էրրոլը, ԵՄՔԱ  կեդրոն բանալու նպատակով, 1918 թուականի Յունուարին Ամերիկայէն  ժամաներ են Երեւան: Երիտասարդներն իրենց նպատակը իրականութիւն  դարձուցեր են նոյն թուականի Փետրուարի 11-ին: Անոնք չէին ալ կրար պատկերացնել, որ առաջնագիծին  իրավիճակի վատթարացումէն յետոյ իրենք Երեւան մնացած միակ Ամերիկացիներն էին ըլլալու՝ առանց արտաքին աշխարհի  հետ կապի հնարաւորութեան: Ջոն Էլդերն ու Ջէյմս Էրրոլն այդ ժամանակ 20 տարեկան էին: Անոնք կարողացեր են փրկել Արեւմտեան  Հայաստանէն գաղթած տասնեակ հազար որբեր, օգներ են հարիւրաւոր մարդկանց, բացեր են գործարաններ, ստեղծեր են աշխատատեղեր՝ որպէսզի մարդիկ  կարողանային ապրիլ: Հայաստանի կառավարութիւնը զիրենք համարեր է   հերոսներ եւ հայ ժողովուրդի ամենամօտ բարեկամներ: Ցուցահանդէսն առիթ  եղաւ, որ բոլորս իմանանք թե 100 տարի առաջ Ամերիկացիները ինչ մեծ ջանքեր գործադրելով կրցեր են  օգնութեան ձեռք մեկնել տարաբախտ հայերուն»,-մասնաւորապես ըսեր է Ա. Վարդանեանը, եւ աւելցուցեր է, որ  ցուցահանդէսը կազմակերպուեր է նաեւ Երեւանի մէջ:

Միջոցառման  ներկայ եղած են Արցախի Հանրապետութեան Ազգային  ժողովի նախագահ Աշօտ Ղուլեանը, ԱՀ արտաքին գործերու նախագահ  Մասիս Մայիլեանը, ԱՀ մշակոյթի, երիտասարդութեան հարցերու եւ զբպսաշրջութեան  նախարար Լեռնիկ Յովհաննիսեանը, ԱԺ պատգամաւորներ, կազմակերպութիւններու անդամներ եւ հիւրեր, ովքեր  շրջեր են ցուցասրահով եւ ծանօթացեր են ներկայացուած փաստագրական նիւթերուն:

Input your search keywords and press Enter.